iklan

BOBONARO, HEADLINE, MUNISÍPIU, SEGURANSA

PNTL Bobonaro: Bebé ne’ebé mate iha Maliana kauza hosi ema buti kakorok

PNTL Bobonaro: Bebé ne’ebé mate iha Maliana kauza hosi ema buti kakorok

Ema deskoñesidu soe Bebé ida iha mota Laran área Sagui, bairru SMP2, aldeia Solugolo, suku Holsa, postu administrativu Maliana, munisípiu Bobonaro. Iimajen espesiál.

BOBONARO, 27 fevereiru 2024 (TATOLI) – Bazea bá rezultadu ezaminasaun hosi Komandu Polísia Nasionál Timor-Leste (PNTL) Munisípiu Bobonaro, hatudu katak bebé ne’ebé mate iha postu administrativu Maliana, munisípiu Bobonaro, kauza hosi ema buti kakorok hafoin soe ba mota laran.

Rezultadu ezaminasaun ne’e hala’o hosi ekipa Servisu Seksaun Investigasaun Kriminál no Vunervel Perrson Unit (VPU)  Komandu Polísia Munisípiu Bobonaro, identifika bebé ne’ebé mate iha área Sagui, SMP 2, aldeia Solugolo, suku Holsa, postu administrativu Maliana, iha loron-segunda (26/02/2024) maizumenus tuku 16:00 ne’e kuaza hosi ema oho ho asaun buti nia kakorok mate tiha hafoin soe bá mota laran.

Kazu ne’e akontese hafoin Komandante PNTL Munisípiu Bobonaro, Superintendente Xefe Agustino Gomes da Silva, rona informasaun hosi komunidade nune’e parte PNTL tún kedas ba fatin akontesimentu hodi halo ezaminasaun atu hatene verasidade hosi kazu ne’e.

Notísia relevante: PNTL Bobonaro seidauk identifika autór bá kazu omisídiu iha Cowa Balibo

“Sira halo ezaminasaun. Hosi rezultadu ezaminasaun ne’e identifika bebé ne’e moris tiha ona, mate latan hela iha fatuk leten, mas deskonfia bebé oan ne’e mate tanba suspeitu ne’e buti nia kakorok ne’e mak kauza ninia nanal no matan naklosu,” Komandante ne’e esplika.

Nia akresenta, autór ba kazu refere sei deskoñesidu hela tanba to’o agora autoridade seguransa seidauk identifika ema ruma.

Nia dehan, duadaun ne’e ekipa kontinua halo servisu iha terrenu ho lideransa komunitária sira oinsá atu suporta informasaun malu atubele buka-tuir autór prinsipál ne’ebé oho bebé refere.

“Nia tenke responsabiliza ba aktu ne’ebé nia halo, tanba nia buti mate lori ba soe tiha hanesan animál, ne’ebé ita-nia ekipa imvestigasaun kriminál no VPU ne’ebé reponsável ba kazu ne’e, sei halo prosesu tuir lei ne’ebé mak vigora iha ita-nia rai, tanba ne’e kazu omisídiu puru,” nia katak.

Enkuantu daudaun ne’e mate-isin bebe refere evakua ona ba Dili nune’e halo prezervasaun iha Hospital Nacional Guido Valadares hodi hein prosesu kontinuasaun.

Notísia relevante: PNTL Bobonaro detein ema na’in-rua kontra regra eleisaun

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!