iklan

HEADLINE, KAPITÁL

Durante ne’e, AMD kontratu Empreza lima hodi rekolla lixu iha Dili

Durante ne’e, AMD kontratu Empreza lima hodi rekolla lixu iha Dili

Karreta tula lixu

DILI, 29 fevereiru 2024 (TATOLI)—Xefe Departamentu Saneamentu Munisípiu Dili, Domingos do Santos Suriano, informa durante ne’e Autoridade Munisípiu Dili kontratu ho Empreza lokál lima hanesan Empreza Gsa, Nelses, Pelibra, Jakrilo no Labilay hodi rekolla lixu iha kapitál Dili.

“Empreza ne’ebé mak daudaun ne’e hala’o hela servisu lalin hela lixu husi sidade ba iha lixeiru Tibar mak  empreza lima hanesan Empreza GSA ho nia kareta 11  iha área Postu Adminsitrativu Dom Aleixo  Lot A, depois Empreza NELSES ho kareta 12 iha Postu Administrativu Dom Aleixo  lot B, Empreza  PELIBRA iha Postu adminsitrativu  Vera Cruz  ho nia kareta 10, Empreza JAKRILO iha Postu adminsitrativu  Na’in Feto ho nia karreta 10  no empreza LABILAY iha Postu adminsitrativu  Cristo Rei  ho nia karreta hitu entaun, totál kareta 50 mak daudaun ne’e hala’o hela  movimentu lori lixu ba lixeira Tibar,” Domingos do Santos Suriano ba TATOLI iha nia kna’ar fatin AMD, Matadouru-Dili, ohin.

Xefe departamentu ne’e dehan, “tuir ami-nia esperiénsia rekolla lixu kada tinan hahú novembru, dezembru, janeiru, fevereiru, to’o marsu ita haree katak iha sidade Dili volume lixu sa’e maka’as mak dahuluk iha atividade ekonomia iha komunidade  sira  depois, iha tempu  udan monu rai  buat hotu buras, fo’er  iha  foho-lolon mós tun hotu mai duut  no ai sira iha  Dili laran ne’e buras”.

“Entaun, ho ida ne’e ita-nia komunidade sira la iha konsiénsia soe fo’er  ba  mai  entaun, ida ne’e aumenta tan lixu iha ita-nia sidade  ho ida ne’e mak agora daudaun akontese  hanesan lixu iha fatin sira ne’e empreza sira foti lahotu,” nia afirma.

Ezekutivu ne’e esplika, se lixu uma-kain deit kareta 50 ne’e bele tula hotu maibé, haree ba negosiante loja bobot sira nafatin soe fo’er arbiru no fo’er kontinua aumenta iha kapitál ida ne’e.

“Se ita ko’alia los de’it ba lixu uma-kain ne’e karreta 50 ne’e bele tula hotu maibé, ita haree agora daudaun ne’e empreza servisu maka’as liu ba foer negosiante no mós loja boot sira nia fo’er mak aumenta maka’as no mós ita-nia komunidade sira halo merkadu livre, hahan livre iha fatin sira ne’e mak daudaun ne’e ita haree katak lixu iha Dili laran foti la hotu de’it ne’e,” nia dehan.

Xefe Departamentu Saneamentu Munisípiu Dili, Domingos do Santos Suriano rekoñese katak, to’o agora komunidade la iha konsiénsia nafatin atu halibur lixu iha nia fatin ne’ebé mak Governu prepara no soe fo’er arbiru halo ambiente la di’ak iha nasaun ida ne’e.

Notísia relevante:Lixu sei domina sidade Dili tanba menus konsiénsia

Nia subliña, durante ne’e AMD halo ona sosializasaun no fahe ona sirkular  ba komunidade sira hotu katak  la bele soe foer arbiru se mak so’e foer arbiru kaer kona tenke selu sansaun  ida ne’e iha sirkular dekretu lei numenru 33/2008 ko’alia ona iha  ne’eba.Miabé buat sira ne’e  lei koalia ona  to’o agora seidauk bele implementa  ho ida ne’e mak komunidade sira daudaun ne’e atitude ida soe fo’er arbiru iha kapitál Dili  nafatin kontinua.

“Ita seidauk implementa lei ne’e tanba ita-nia rekursu umanu la to’o atu tuun ba terenu tanba, mai iha Munisípiu iha Saneamentu ne’e ami rekursu dasa rai de’it, agora ba iha fatin sira atu fó sansaun ne’e presiza aumenta rekursu umanu ne’ebé mak adekuadu maibé ba oin ita sei uza ekipamentu modernu lixu nian nune’e ita bele haree tok lixu reduz ka lae,” nia dehan.

Ezekutivu ne’e hateten, tuir esperiénsia tinan kotuk tempu dezembru, janeiru fo’er kontinua barak maibé husi AMD halo adisionál ba karreta hodi apoiu ba karreta sira seluk hodi redús lixu maibé, iha tinan 2024 seidauk iha karreta adisionál ruma nune’e mantein karreta 50 ne’ebé mak kontratu hodi tula nafatin fo’er sira ba Tibar.

Notísia relevante:Membru PN husu fó sansaun todan ba sidadaun soe lixu arbiru

Jornalista : Felicidade Ximenes

Editór: Rafael Ximenes de A. Belo

iklan
iklan

Leave a Reply

iklan
error: Content is protected !!