Christy Mores apresia jestaun grupu kooperativa rai no impresta osan iha Viqueque
VIQUEQUE, 18 marsu 2024 (TATOLI)— Prezidente Boar Chair ba organizasaun internasionál Margareta Cargill Philanthropies (MACP), Christy Mores, apresia no motiva grupu Kooperativa Brigada Fitun Foinsa’e no grupu rai no impresta osan iha munisípiu Viqueque hodi kontinua hala’o atividade ekonomia atu benifísia família uma-laran sira.
“Ohin, ha’u mai vizita direta ba atividade kooperativa no grupu rai no impresta osan ne’ebé durante ne’e CRS fó kapasitasaun kona-bá jestaun rai no impresta osan. Ha’u haree no rona sira-nia atividade rai osan la’o di’ak tebes no fó benifísia ba sira família. Tanba ne’e ha’u hakarak apresiza no motiva sira atu sira la’o nafatin ba oin hodi fó sustentablidade família sira “, Prezidente Christy Mores, hatete ba jornalista sira, hafoin ramata vizita grupu sira, iha edifísiu Fundasaun Knu’a Haberan (F-KHC), segunda, ohin.
Notísia relevante:ADRA atribui sertifikadu apresiasaun ba grupu kooperativa rai no impresta osan iha Viqueque
Organizasaun internasionál Margareta Cargill Philanthropies (MACP) hosi nasaun Amérika, ne’ebé durante fó apoia fundu ba Catholic Relief Services (CRS) hodi fó kapasita ba grupu koopertiva hodi hala’o atividade hanesan rai no impresta osan.
Ba oin, Prezedente Board MACP sei diskute ho CRS atu apoia ka tulun tán grupu sira-ne’ebé estabelese ona iha munisípiu Viqueque hamutuk 98.
Iha fatin hanesan, Vise Prezidente Kooperativa Brigada Fitun Foinsa’e, Marito da Silva, agradese ba Prezidente Christy Mores ne’ebé Vizita direta kooperativa Brigada Fitun Foinsa’e (KGFF) tanba CRS mós apoia fundu rihun $15 hodi hari’i estritóriu.
“Ami husu agradese ba doadór CRS ne’ebé vizita ami-nia kooperativa no grupu rai no impresta osan sira iha Viqueque. Ami-nia esperansa ba oin sira nafatin apoia. Nune’e husu mós Governu maka tenke tau matan ba kooperativa no grupu rai no impresta osan atu la’o ho di’ak,” nia afirma.
Kooperativa Brigada Fitun Foin Sa’e hahú estabelese 2022 ho nia membru na’in-65 ho ninia fundu hamutuk rihun $15, daudaun ne’e membru sira impresta ona rihun $14 no osan hela $1.000.
Notísia relevante: SEKoop rejista tan federasaun kooperativa kréditu uniaun ida
Jornalista:Vitorino Lopes da Costa
Editór : Florencio Mirada Ximenes
