ANP husu públiku labele uza produtu rubrikante Shell Advance
DILI, 19 marsu 2024 (TATOLI)–Autoridade Nasionál Petróleu, Institutu Públiku (ANP, I.P), husu ba públiku atu labele uza produtu rubrikante Shell Advance.
“Depois de prosesu investigsaun tomak, Autoridade Nasionál Petróleu determina katak autentisidade hosi produtu Shell Advance 4TAX515W-40 ho númeru batch 11871564100809DEC21 no Shell Advance 4TAX710W-40 ho númeru batch 11816640100825AUG21 ne’e sei la garante atu fó benefísiu maibé sei fó fali risku ba konsumidor sira,” refere nota ne’ebé Agência Tatoli asesu, tersa ne’e.
Notísia relevante: Deskonfia falsu, ANP temporariamente suspende produtu lubrikante Shell Advance
ANP iha semana kotuk foti asaun suspende produtu lubrifikante ne’ebé diskunfia falsu maibé nafatin fa’an iha merkadoria ho marka Shell 4T AX5 15W-40 ho númeru batch 11871564100809DEC21 no Shell Advance 4T AX7 10W-40 ho númeru batch 11816640100825AUG21 40, ne’ebé prodús no importa hosi Indonézia tanba deskonfia produtu falsu maka daudaun sirkula hela iha merkadu.
ANP kontinua garante seguransa ba kualidade lubrifikante ne’ebé importante tebes iha indústria petróleu.
Autoridade mós iha kompromisu atu nafatin hasa’e sistema kontrolu ba kualidade lubrifikante ne’ebé importa mai Timor-Leste hodi garante konsumidór sira protejidu hosi produtu falsu sira ne’ebé sei fó impaktu ladi’ak ba sira-nia mákina veíkulu.
Jornalista : Antónia Gusmão
Editora : Julia Chatarina
