iklan

NASIONÁL, EKONOMIA, HEADLINE

IPK grupu hotu sa’e +0,2% iha fevereiru 2024

IPK grupu hotu sa’e +0,2% iha fevereiru 2024

Produtu lokál sira ne'ebé fa'an iha Merkadu Manleuana, Dili, sesta (23/12/2022). Imajen Tatoli/Francisco Sony

DILI, 20 marsu 2024 (TATOLI)—Institutu Nasionál Estatístika Timor-Leste, Institutu Públiku (INETL, I.P) lansa relatóriu mensál mudansa persentajen Índise Presu Konsumidór (IPK) ba fevereiru 2024, ne’ebé hatudu grupu hotu sa’e +0,2%, kompara ho janeiru 2024 tun 0,4%.

“Mudansa presu grupu hotu +0,2% tanba hetan kontribuisaun hosi grupu hahán no bebida la’ós alkoólika +0,2% no uma +0,1%. Grupu transporte +0,1%, alkoólika no tabaku +0,1%) no ekipamentu no manutensaun mobiliáriu uma-laran +0,1% sai hanesan mudansa kontráriu ba inflasaun grupu hotu,” Prezidente INTL, I.P, Elias dos Santos Ferreira, informa, hafoin lansa relatóriu mensál, iha edifísiu Caicoli, kuarta ne’e.

Notísia relevante : IPK grupu hotu tun -0,4% iha janeiru 2024

Grupu hahán no bebida la’ós alkoólika sa’e +0,2% tanba hetan impaktu maioria hosi sub grupu modo-tahan +0,9%), bee, bebida no jus ai-fuan +2,3%, foos +0,1%), susu-been, keiju no manutolun +0,3%, no naan +0,1%. Sub grupu mina no bokur -0,3%, ai-fuan -1,0% no paun no sereal -0,4% sai hanesan mudansa kontráriu ba inflasaun grupu hahán no bebida la’ós alkoólika.

Mudansa persentajen IPK anuál sa’e +3,9% kompara entre ho fevereiru 2024 no fevereiru 2023, hetan kontribuisaun hosi grupu hahán no bebida la’ós alkoólika +7,4%, alkoólika no tabaku +2,4%, edukasaun +2,0%, no rekreasaun no kultura +1,5% ba anuál fevereiru 2024.

Grupu transporte -3.5%, ekipamentu no manutensaun mobiláriu uma-laran -3,6%, uma (-1.5%), no komunikasaun -0,2% sai hanesan mudansa kontráriu ba inflasaun grupu hotu ba anuál fevereiru 2024.

Inflasaun tradeable laiha mudansa 0,0%, enkuantu non-tradeable sa’e +0,5% iha mensál kompara entre fevereiru 2024 ho janeiru 2024.

Nune’e, inflasaun tradeable sa’e +5,1% no non-tradeable mós sa’e +0,8% iha anuál kompara entre fevereiru 2024 no fevereiru2023.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!