iklan

NASIONÁL, SAÚDE

MS kria ekipa atu kombate virus Rabies iha Timor-Leste

MS kria ekipa atu kombate virus Rabies iha Timor-Leste

Ilustrasaun asu tata ema habiban infesaun virus Rabies ne´ebé halo ema ida bele mate. Imajen/Espesiál.

DILI, 27 marsu 2024 (TATOLI)–Ministra Saúde (MS), Elia Amaral, hateten Governu kria ona ekipa integrada ne´ebé kompostu husi Institutu Nasionál Saúde Públika Timor-Leste (INSP-TL) no Ministériu Agrikultura no Peska (MAP) atu bele kombate virus Rabies iha Timor-Leste.

Notísia Relevante: PN husu Governu foti asaun urjente prevene virus Rabies

“Iha ekipa integrada ida hosi Ministériu Agrikultura no Peska no INSP-TL iha planu ba komisaun ba ekipa ne’e. Ne’ebé sira husu komunidade ne’ebé haki’ak asu iha uma atu bele vasina asu sira, tanba bele tata komunidade ka na’in rasik hodi transmite virus Rabies,” Ministra Saúde, Elia Amaral, hateten ba Agência Tatoli hafoin reuniaun Konsellu Ministru (KM), iha Palásiu Governu, kuarta ne´e.

Governu iha planu kria komisaun integrada hodi bele kombate liuhosi asaun vasina no populasaun labele lori asu ba-mai, liuliu halo esforsu atu asu ne’ebé infetadu ho moras Rabies labele tama mai iha Dili.

Ministra ne´e husu ba komunidade atu kolabora no husu favór ida ba ema hotu-hotu atu entrega no kontaktu vasina asu.

Oinsá ekipa interministerial halo kontrolu importasaun asu lihosi alfandega no karantina iha fronteira, Elia Amaral hatán, ekipa ingtegrada ne’e atu reforsa no informa ba parte relevante iha fronteira atu nune’e bele vasina asu atu haddock aan hosi moras Rabies ne’e.

Nia hateten, Ministériu Agrikultura no Peskas no MS kordena hela ho Organizasaun Mundiál Saúde (MS) fó apoia ai-moruk ba iha moras Rabies (Raiva) ne´e.

Atualmenta, Timor-Leste rejista pasiente asu tata hamutuk 29 iha Pasabe no Oesilo iha Rejiaun Administrativa Espesiál Oé-Cusse Ambeno.

Husi total númeru ne’e, ema na’in-ida (1) mak deteta pozitivu virus Rabies ne’ebé mak hakotu ona iis iha Hospital Nasionál Guido Valadares (HNGV).

Notísia Relevante: Timoroan ida mate ho virus Rabies iha HNGV

Jornalista : Jesuína Xavier

Editór      : Cancio Ximenes

iklan
iklan

Leave a Reply

iklan
error: Content is protected !!