COVALIMA, 15 Abríl 2024 (TATOLI) – Tratorista na’in-30 iha Servisu Agrikultura Munisípiu Covalima (SMAC) kontinua servisu ho voluntáriu dezde Janeiru no daudaun hein hela hodi bele asina kontratu.
“Tanba ne’e, ha’u koordena ona ho Prezidente Autoridade Munisipál Miguel Armanda Cardoso, maibé nia sei bá Díli “, Diretór Agrikultura Covalima, Lino Magno, hatete ohin.
Nia promete katak depoizde koordenasaun ho PAM, iha Abríl ne’e, tratorista na’in-30 bele asina ona sira-nia kontratu, nune’e sira simu ona saláriu.
Dirijente ne’e salienta katak husi rezultadu koordenasaun ho PAM, daudaun ne’e Servisu Administrasaun Rekursu Umanu prepara ona kontratu hodi hein PAM fila husi Dili mak tratorista sir bele asina kontratu.
Prezidente Autoridade Munisípiu Covalima, Miguel Armada Cardoso, klarifika katak tratorista na’in-30 nia kontratu sei pendente hela tanba PAM depoizde simu fose halo serbisu viajen bá-mai Dili, maibé nia esforsu atu rezolve.
“Iha semana ida ne’e nia laran PAM sei selebra kontratu ho tratorista na’in-30 ne’ebé dadaun serbisu ho voluntáriu”, nia informa.
Notísia relevante: Tratór ualu iha Sentru Sanfuk avaria no difikulta serbisu iha époka daruak
Jornalita: Celestina Teles
Editora: Maria Auxiliadora
