iklan

EKONOMIA, HEADLINE

IPK grupu hotu tun ba -0,2% iha marsu 2024

IPK grupu hotu tun ba -0,2% iha marsu 2024

Vendedór sira fa’an produtu lokál iha merkadu tradisionál, Taibesi, sesta (19/01/2024). Imajen Tatoli/António Daciparu

DILI, 16 abríl 2024 (TATOLI)Institutu Nasionál Estatístika Timor-Leste, Institutu Públiku (INETL, I.P) lansa relatóriu mensál mudansa persentajen Índise Presu Konsumidór (IPK) ba marsu 2024, ne’ebé hatudu grupu hotu tun ba -0,2%, kompara ho fevereiru 2024 sa’e +0,2%.

“Mudansa presu grupu hotu -0,2% tanba hetan kontribuisaun hosi grupu alkólika no tabaku -1,3%. Ekipamentu no manutensaun mobiliáriu uma-laran -0,3%, transporte -0,1%, saúde -0,7%, no hahán no bebida la’ós alkólika -0,1%. Grupu rekreasaun no kultura +0,2% sai hanesan mudansa kontráriu ba inflasaun grupu hotu,” Prezidente INTL, I.P, Elias dos Santos Ferreira, informa, hafoin lansa relatóriu mensál, iha edifísiu Caicoli, tersa ne’e.

Grupu hahán no bebida la’ós alkólika -0,1% tanba hetan impaktu maioria husi sub grupu susu-been, keiju no manutolun -0,4%, foos -0,1%, susu-been ikan no hahán-tasi -0,6%, produtu ai-han -0,3%, modo-tahan -0,5% no bee, bebida no jus ai-fuan -0,1%. Sub grupu masin-midar, marmelada, bani-been, xokolate no hahán midar +1,2% kafé, xá, no kokoa +0,7%, mina no bokur +0,2% no ai-fuan +0,5% sai hanesan mudansa kontráriu ba inflasaun grupu hahán no bebida la’ós alkólika.

Notísia relevante : IPK grupu hotu sa’e +0,2% iha fevereiru 2024

Mudansa persentajen IPK anuál sa’e +2,7% kompara entre ho marsu 2024 ho marsu 2023, hetan kontribuisaun husi grupu hahán no bebida la’ós alkólika +5,4%, edukasaun +2,0%, no rekreasaun no kultura +1,6% ba anuál marsu 2024.

Grupu alkólika no tabaku -0,4%, transporte -2,3%, ekipamentu no manutensaun mobiláriu uma-laran -2,7%, uma -0.6%, komunikasaun -0,2%, hatais no sapatu -0,1%, no saúde -0,7% sai hanesan mudansa kontráriu ba inflasaun grupu hotu ba anuál marsu 2024.

Inflasaun tradeable tun -0,2% non-tradeable sa’e -0,5% iha mensál kompara entre marsu 2024 ho fevereiru 2024.

Nune’e, inflasaun tradeable sa’e +3,7% no non- tradeable mós sa’e +0,3% iha anuál, kompara entre marsu 2024 no marsu 2023.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!