iklan

EKONOMIA, AILEU

Governu halo hela diskusaun ba merkadu fronteira

Governu halo hela diskusaun ba merkadu fronteira

Vise-Ministru Komérsiu no Indústria Agosto Junior Trindade. Imajen Tatoli/Francisco Sony

AILEU, 23 abríl 2024 (TATOLI)—Vise Ministru Komérsiu no Indústria (MCI), Agosto Trindade Junior, hateten, Governu liuhusi MCI halo hela diskusaun ba merkadu fronteira atu prevene ema husi sorin mai fa’an sasan iha Timor-Leste.

“Ita hakarak kria merkadu fronteira tenke fó benifisiu ba rai rua entre Timor-Leste no Indonézia labele ita mak hola sira-nia sasan, depois sira la hola fali ita-nia sasan entaun ho ida-ne’e mak ami halo hela diskusaun atu haree ba ida-ne’e,” Agosto Trindade Junior dehan, iha Kasnafar, ohin.

Membru governu ne’e dehan, merkadu fronteira ida ne’e bele haree ba atividade transaksaun ilegál iha área fronteira entre Timor Leste no indonézia.

“Ita tenke tetu didi’ak no ita mós haree ita-nia osan tenke sirkula iha ita-nia rain, husi merkadu ne’e ajuda osan sai fali, entaun ita komesa haree hela katak bainhira estabelese merkadu fronteira ita mós tenke iha benifísiu husi ne’e,” nia afirma.

Ezekutivu ne’e relata, ho merkadu fronteira ne’e tenke kria padraun ida nune’e bele fó benifísiu ba Timor-Leste no Indonézia.

“Ita hree oinsá   atu bele kria padraun ida atu merkadu ne’e tenke fó benifisiu ba parte rua ne’e hotu tanba ne’e mak ami sei iha diskusaun nia laran,” Governante ne’e konklui.

Notísia relevante:Parlamentu hakarak re-ativa merkadu tradisionál fronteira

Jornalista : Felicidade Ximenes

Editór: Rafael Ximenes de A. Belo

iklan
iklan

Leave a Reply

iklan
error: Content is protected !!