SAÚDE

Dirijente saúde seidauk utiliza sistema eletónika “mSupply” monitóriza problema ai-moruk “stock out”

Dirijente saúde seidauk utiliza sistema eletónika “mSupply” monitóriza problema ai-moruk “stock out”

Diretór Ezekutivu Institutu Nasionál Farmásia Produtu Medikamentu (INFPM), Brigído Simão Dias de Deus. Imajen/TATOLI.

DILI, 22 maiu 2024 (TATOLI)–Diretór Ezekutivu Institutu Nasionál Farmasia no Produtu Medikamentu (INFPM), Brígido Simão Dias de Deus, hateten dirijente husi ospitál no sentru saúde sira seidauk utiliza másimu sistema eletróniku mSupply hodi monitoriza problema ai-moruk stock out nia fasilidade saúde sira.

Notísia Relevante: Sistema eletróniku softwork msupply ajuda monitoriza problema stockout ai-moruk

Sistema eletróniku Softwork mSupply iha nia funsaun hodi monitoriza ba ai-moruk sotck out iha fasilidade saúde iha territóriu, ne’ebé kria husi Ministériu Saúde no parseiru dezenvolvimentu husi Australia Goverment of Foreign Affairs (DFAT) iha Timor-Leste.

Nia esplika, dirijente sira aprezenta pedidu iha loron ne’ebé ai-moruk stock out iha fasilidade saúde sira, tanba ne’e mak difikulta servisu saúde ba fornesimentu.

“Loro-loron uza ai-moruk, maibé lahatama ai-moruk mamuk ba iha sistema, entaun iha ne’e ita hanoin laiha problema, derepente ai-moruk hotu mak hakilar sa’e mai dehan ami ai-moruk laiha ona, maibé sistema ladehan buat ida, laiha problema. Buat sira-ne’e hotu fó impaktu ba ita nia servisu,” Diretór Ezekutivu INFPM ne’e hateten, ba jornalista sira liuhosi koferensia imprensa, iha Kampung Alor.

Nia esplika, sistema ida-ne’e atu relata kona-ba sirkulasaun, dadus no relatóriu ai-moruk sira iha sentru saúde sira maibé seidauk uza ho masimál.

“Maibé ami servisu makaas atu bele kurije buat sira ne’e. Husu ba funsionáriu sira atu up date situasaun loloos atu ita planu hodi kobre ka akizisiun ai-moruk, se lae hanesan akontese liu daudaun,” nia hateten.

Diretór ne’e hateten, iha situausaun sira-ne’e la’ós atu fó sala ba malu maibé oinsá buka bele hadi’a servisu saúde.

Notísia Relevante: Fundu Globál-SAMES selebra akordu tékniku instala mSupply ba munisípiu rua

Jornalista : Jesuína Xavier

Editór       : Cancio Ximenes

iklan
iklan

Leave a Reply

iklan
error: Content is protected !!