iklan

EKONOMIA, HEADLINE

Empreza 10 aprezenta proposta investimentu durante tinan 2024

Empreza 10 aprezenta proposta investimentu durante tinan 2024

Diretór Ezekutivu interinu TradeInvest no atuál Diretór Promosaun Investimentu, Ezaquiel Babo. Imajen Tatoli/Francisco Sony

DILI, 23 maiu 2024 (TATOLI)—Ajénsia Promosaun Investimentu no Esportasaun (TradeInvest) rejista ona empreza hamutuk 10 kompostu husi nasionál lima no internasionál lima maka aprezenta ona proposta investimentu, durante janeiru to’o agora tinan ne’e.

“Proposta investimentu husi empreza 10 sei halo investimentu ho totál kapitál millaun $350-resin iha área hanesan otelaria, turizmu, konstrusaun navál, enerjia idroelétrika, agrikultura no peska,” Diretór Ezekutivu interinu TradeInvest, Ezaquiel Babo, informa ba Agência Tatoli, iha ninia knaar fatin, Colmera, kinta ne’e.

Empreza internasionál lima ne’e mak hanesan Stratacom Global Investment, S.A, husi Brunei Darussalam sei investe ho kapitál millaun $13 ba projetu konstrusaun otél, sentrál idroelétrika, zona indústria, reabilitasaun Sentru Konvensaun Dili,  inklui investimentu ba agrikultura no peska iha Lautém.

Empreza Japoneza Tsuneishi Timor Shipbuilding sei investe ho kapitál millaun $300 hodi halo konstrusaun estaleiro navál, portu, konstrui unit ospitalár ida, inklui harii plaka eskola iha Laleia, munisípiu Mantuto.

Notísia relevante : TradeInvest selebra akordu tékniku ho ILO dezenvolve negósiu nuu

Nune’e mós, Leste National Tabacco Holding Lda husi Hong Kong sei investe millaun $7,5 iha área indústria tabaku, empreza Xina Timor South Sea Fishery Development kapitál investimentu milliaun $10 sei investe domíniu peska iha munisípiu Manatuto, no ikus liu empreza Qulina husi Malázia sei investe millaun $30 sei halo produsaun bebida naun alkólika iha munisípiu Liquiçá no Indonézia Timor food hakarak investe iha setór agríkola mak hanesan iha produsaun foos iha munisípiu Covalima.

Enkuantu, kona-ba empreza nasionál mak hanesan Daya Beverages Timor sei investe millaun $1,9 iha área indústria bebida no empreza KTON S.A sei halo investimentu ho kapitál millaun $3 iha área indústria kafé iha munisípiu Ermera.

Empreza Funan Santalum sei investe ho kapitál millaun $5,4 hodi halo produsaun animál nia hahán, KNR Iniciative, Lda, sei halo investimentu ho kapitál $430.000 iha setór turizmu, empreza Nutri Superfoods sei investe millaun $5 hodi halo produsaun alimentu no agrikultura.

Jornalista     : Arminda Fonseca

Editora          : Julia Chatarina

iklan
iklan

Leave a Reply

iklan
error: Content is protected !!