iklan

POLÍTIKA

Deputadu lejislatura da-neen hato’o sentidu kondolénsia ba falesimentu antigu Vise PPN ‘Meta Mali’

Deputadu lejislatura da-neen hato’o sentidu kondolénsia ba falesimentu antigu Vise PPN ‘Meta Mali’

Antigu Ministru Asuntu Kombatente Libertasaun Nasionál (MAKLN), Júlio Sarmento da Costa “Meta Mali”. Imajen Tatoli/Egas Cristóvão.

DILI, 27 maiu 2024 (TATOLI)—Deputadu husi bankada FRETILIN, Antonino Bianco, hato’o sentidu kondolénsia ba falesimentu antigu Vise Prezidente Parlamentu Nasionál (PPN) iha lejislatura dahaat, Júlio Sarmento da Costa ‘Meta Mali’ ne’ebé hakotu iis iha 24 maiu 2024.

Notísia Relevante: Antigu ministru asuntu kombatente libertasaun nasionál “Meta Mali” hakotu iis iha HNGV

“Bankada FRETILIN nia pronfunda kondolénsia ba antigun vise Prezidente Parlamentu Nasionál iha lejislatura dahaat ne’ebé husik mundu iha loron 24 maiu tinan ne’e, no haloot ona iha domingu (26 maiu) ne’e. Ami hato’o sentidu kondolénsia ba família enlutada no ami reza katak Maromak sei haraik lori ksolok rohan laek ba ita-nia saudozu Meta Mali no haraik mós bensaun ba família sira atu hetan grasa ua’in hodi hatutan Nainia obra mundu nian,” nia hateten liuhusi reuniaun plenária Parlamentu, segunda ne’e.

Nia husu ba meza Parlamentu Nasionál (PN) atu aprezenta votu pezár hodi iha plenária bele aprova iha reuniaun plenária iha loron 28 maiu tinan ne’e.

Deputadu CNRT, Natalino dos Santos, mós hato’o profundu sentidu kondolénsia ba matebian ho família tomak.

Deputada PD, Sancha Tilman, lori bankada nia naran hato’o sentidu kondolénsia ba falesimentu Júlio Sarmento da Costa ‘Meta Mali’ no família enlutada.

Prezidente Parlamentu Nasionál, Maria Fernanda Lay, hato’o katak daudaun ne’e meza rekolla hela dadus kona-ba biográfia matebian nian no sei aprezenta votu pezár ajenda iha plenária.

Notísia Relevante: Taur hato’o sentidu lutu ba falesimentu saudozu eis Ministru “Meta Mali”

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!