COVALIMA, HEADLINE

Ai-moruk item 50 stockout iha Ospitál Referénsia Suai

Ai-moruk item 50 stockout iha Ospitál Referénsia Suai

Ospitál Referénsia Suai. Imajen TATOLI/Eugénio Pereira.

COVALIMA, 29 Maiu 2024 (TATOLI) – Ospitál Referénsia Suai daudaun ne’e falta ai-moruk item 50 hanesan tipu ai-moruk vitál, esensiál no la’ós esensiál, informa Diretór-Ezekutivu Ospitál Suai, Domingos Oliveira Lemos.

“Bazeia ba lista ne’ebé ha’u simu iha Maiu ne’e, ita-nia aimoruk item 50 mak hanesan tipu ai-moruk vital, esensiál no la’ós esensiál mak la iha stock iha Ospitál Referénsia Suai”, Domingos Lemos dehan ba Tatoli, ohin.

Ai-moruk tipu 50 ne’ebé stockout mak hanesan vitál iha item 13, medikamentu ne’ebé importante atu uza ba pasiente ne’ebé ho moras grave, esensiál iha item 30 no la’ós esensiál iha item hitu.

Ho problema falta ai-moruk maka dirijente ne’e buka meiu hodi halo koordenasaun ho Servisu Saúde Munisípiu no ospitál referénsia sira seluk atu disponibiliza tipu ai-moruk sira ne’ebé laiha, nune’e bele atende pasiente sira.

“Prosesu atu hato’o pedidu ba nasionál ho tipu emerjénsia ne’e nia prosesu la to’o fulan ai-moruk bele to’o mai no depende ba stock ai-moruk iha nasionál no prosesu regulár dala ruma fulan ida mak foin bele lori mai”, Domingos Lemos esplika.

Lista stockout medikamentu mak hanesan Prednisone, Hydrochlorothiazide, Nalidixid acid, Vitamin C, Bisacodil, Digoxin, Digoxin, Cefixime, Cefixime, Aluminium Hidroxida, Clotimazole Vaginal, Folic Acid, Folic Acid, Codeine, Hyoscine Butilbromide, Cefuroxime, Atenolol, Hydralazine, Captopril, Diclofenac, Vitamin B6, Spironolactone, Prometazine, Ibuprofen, Vancomycin, Prometazine, Gentamicin, Isoflurane, Adenosine, Phenobarbital Sodium, Vitamine K, Thiopental no Ketamine.

Aleinde ne’e ai-moruk Phenitoyn injeksi, Calsium Chloride injeksi, Omeprazole injeksi, Ampicillin injeksi, Insuline Human Soluble short, Acting, Insuline Human Intermediate, Ergometrine injeksi, Ephedrine injeksi, Acyclovir injeksi, Sevoflurane, Cefuroxime Axetil Suspensi, Sodium Bicarbonat ear drop, Benzoide Peroxide otion, Dexamethasone, Ibuprofen Suspense, Tetracaine HCL eye drops, Benzyl Benzoate lotion, Povidone Iodine no Calamine Lotion

Pasiente Maria de Jesus sujere ba  Ministériu Saúde presiza atu haree kestaun ai-moruk falta ne’e ho sériu, tanba kada tinan Governu troka malu, maibé nunka atu rezolve problema ai-moruk laiha ospitál nasionál to’o ba iha munisípiu sira.

“Ita-nia osan mak laiha atu sosa ai-moruk ka oinsá mak to’o ohin loron Ministériu Saúde nunka atu la rezolve problema kona-ba laiha stock ai-moruk iha ospitál”, nia kestiona.

Notísia relevante: fFarmásia Covalima falta ai-moruk tipu 46

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!