iklan

EKONOMIA, HEADLINE, MUNISÍPIU, OÉ-CUSSE (RAEOA)

Governu hatuur fatuk dahuluk ba futuru edifísiu ADN iha Oé-Cusse

Governu hatuur fatuk dahuluk ba futuru edifísiu ADN iha Oé-Cusse

Ajénsia dezenvolvimentu nasionál (AND) halo lansamentu fatuk dahuluk ba konstrusaun edifísiu ADN iha Rejiaun Autónoma Espesiál Oe-cusse Ambeno (RAEOA). Imajen/Abílio Elo Nini

OÉ-CUSSE, 29 maiu 2024 (TATOLI) – Ajénsia Dezenvolvimentu Nasionál, Institutu Públiku (ADN,IP), kuarta ne’e, hatuur fatuk dahuluk ba konstrusaun edfísiu ADN nian iha aldeia Mahata, suku Costa, sub-rejiaun Pante Makasar, Rejiaun Administrativa Espesiál Oé-Cusse Ambeno (RAEOA). 

Notísia relevante: DRI no ADN fiskaliza uluk projetu 183 molok halo pagamentu

Diretór Ezekutivu ADN IP, Rui Lourenço da Costa, hateten, prezenza ADN iha Oé-Cusse importante atu haforsa inspesaun no kontrolu ba implementasaun projetu sira iha Oé-Cusse.

“Importante tebes, la’ós de’it ba ADN nia serbisu iha futuru mai, maibé mós atu hatudu ba parte hotu-hotu, katak ADN fila hikas ona mai iha Oé-Cusse, hala’o ami-nia kna’ar tuir lei ne’ebé investe ba ami, katak ami sei halo verifikasaun inspesaun no kontrolu ba kualidade projetu sira hotu iha Oé-Cusse,” Rui Lourenço da Costa, ba jornalista sira iha aldeia Mahata Oé-Cusse.

Daudaun ne’e ekipa ADN mós koloka ona iha Oé-Cusse no provizoriamente aluga hela fatin atu kontinua serbisu hamutuk ho Autoridade RAEOA bazea misaun ADN nian.

“Ohin ami hahú ona instala ami-nia fatin, lansa primeira pedra ba konstrusaun futuru edifísiu ADN nian, maibé ami mós lansa ami-nia serbisu sira hotu, ne’ebé mak ami hahú ona, ami harii ho urjente uitoan, tanba ami tenke hahú ona ami-nia serbisu sira, provizoriamente ami aluga uma nune’e bele hala’o ami-nia serbisu sira hotu iha Oé-Cusse,” nia informa.

Iha biban ne’e, Diretór Rejionál Infraestrutura, Remígio Nuno Sila, agradese tanba prezensa ADN iha Oé-Cusse bele haforsa liután implementasaun projetu sira iha Oé-Cusse.

“Ita agradese tanba prezensa ADN iha Oé-Cusse importante, atu serbisu hamutuk bele akompaña no hola parte iha serbisu implementasaun projetu sira iha Oé-Cusse,” nia orgullu.

Notísia relevante:Autoridade RAEOA seidauk selu projetu estrada Nítibe-Oésilo

Entretantu, projetu ne’e, ezekuta husi kompañia Rainaldo’s Unipesoál Lda, ho valór kontratu rihun $171-resin, no durasaun serbisu durante fulan neen.

Jornalista: Abílio Elo Nini

Editór: Evaristo Soares Martins    

iklan
iklan

Leave a Reply

iklan
error: Content is protected !!