POLÍTIKA

PDHJ husu autoridade públika fó asesu sufisiente ba jornalista halo kobertura

PDHJ husu autoridade públika fó asesu sufisiente ba jornalista halo kobertura

Jornalista sira iha Timor-Leste hala'o kobertura ba atividade konferénsia imprensa Papa Francisco sei mai iha Timor-Leste, iha salaun Arkiodeseza Dili, sesta (12/04). Imajen Tatoli/Francisco Sony

DILI, 07 juñu 2024 (TATOLI)—Provedór Direitu Umanu no Justisa (PDHJ, siglá portugés), Virgílio Guterres, husu ba autoridade públika sira tenke fó asesu sufisiente ba jornalista sira atu halo kobertura.

Notísia Relevante: Deputada CNRT lamenta protokolu PA RAEOA impede serbisu jornalista

Nia hateten, nia parte labele fó komentáriu kona-ba pesoál protokulu Prezidente Autoridade RAEOA impede serbisu jornalista, tanba nia-parte haree video ne’ebé iha no iha diskusaun ne’e de’it, agora kazu kona-ba dada jornalista nia-parte la haree entaun labele halo komentáriu.

“Ami-nia pozisaun nafatin direitu sidadaun ninian atu hetan informasaun no informasaun ne’e sé mak atu fó, ne’e mídia no mídia fó liuhusi jornalista sira. Entaun, autoridade públika sira tenke fó asesu ne’ebé sufisiente ba jornalista sira atu halo kobertura,” Provedór PDHJ ne’e hateten ba jornalista sira iha resintu Parlamentu, sesta ne’e.

Eis Prezidente Conselho de Impresa ne’e hateten, importante mak jornalista sira mós tenke iha kooperasaun atu haree protokolu ninia regra sira atu hamriik iha fatin ida-ne’ebé, tanba buat ne’e kooperasaun.

“Ha’u hatete jornalista ho polísia no jornalista ho protokulu ne’e profisional ne’ebé kuaze loro-loron hasoru malu, entaun tenke iha entendimentu. Entende malu kona-ba ida-idak nia kna’ar. Protokulu sira iha kna’ar atu serimónia ne’e la’o ho di’ak, polísia atu garante seguransa no jornalista garante direitu públiku hetan informasaun kona-ba asuntu ne’e, entaun iha ne’e komunikasaun tenke la’o. No, etikamente iha jornalista mak dehan husu deskulpa ne’e parte husi étika, kuandu halo sala husu deskulpa. Agora husu deskulpa ema lakoi fó perdaun ne’e mós ema dehan étika laiha hotu,” nia dehan.

Tuir nia, iha lei komunikasaun sosiál hateten katak bainhira iha ofisiál públiku ne’ebé obstakuliza ka blokeia serbisu jornalizmu ne’e, nia iha responsabilidade kriminál.

Tanba ne’e, Virgílio Guterres, apresia ba Prezidente autoridade RAEOA foti desizaun balun ona, maibé hanoin presiza halo investigasaun loloos prosesu.

“Tanba video ne’e, ha’u haree de’it mak iha diskusaun, tanba iha diskusaun ne’e de’it jornalista ho protokolu ne’e pro-ativu hotu, tanba iha pozisaun atu baku malu hotu, maibé ha’u lahatene ida antes ne’e mosu halo oinsá lahatene, entaun prosesu investigasaun ne’ebé RAEOA halo hamosu desizaun ida justu ba parte hotu,” nia dehan.

Notísia Relevante: Rogério Lobato sei suspende protokolu ne’ebé impede serbisu Jornalista

Jornalista : Nelson de Sousa

Editór        : Cancio Ximenes   

iklan
iklan

Leave a Reply

iklan
error: Content is protected !!