iklan

EDUKASAUN, HEADLINE

Primeiru-Ministru lansa livru ba labarik sira “O Meu Mar, O Meu Mar”

Primeiru-Ministru lansa livru ba labarik sira “O Meu Mar, O Meu Mar”

Primeiru-Ministru, Kay Rala Xanana Gusmão. Foto/GPM.

DILI, 09 Juñu 2024 (TATOLI) – Primeiru-Ministru (PM), Kay Rala Xanana Gusmão, lansa livru ba labarik sira ho títulu “O Meu Mar, O Meu Timor”, atu sira bele lee no aprende kona-ba istória tasi Timor-Leste.

Eventu ne’e realiza iha Xanana Reading Room, Dili, sábadu ne’e, iha ámbitu selebrasaun Loron Mundiál Oseanu 2024.

Livru ne’e hakerek husi eskritora australiana, Kim Kane, ho ilustrasaun husi artista timoroan Gibrael Carocho.

“Livru ne’e konta kona-ba relasaun ne’ebé eziste entre labarik timoroan sira ho tasi ho nia kriatura no beleza únika sira ne’ebé ema hotu-hotu tenke proteze no prezerva ba futuru jerasaun no dezenvolvimentu sustentavel Timor-Leste”, PM Xanana dehan durante iha lansamentu livru ne’e.

Livru ba labarik “O Meu Mar, O Meu Timor” nu’udar parte hosi kampaña nasionál Ekonomia Azúl “Ha’u-nia Tasi, Ha’u-nia Timór” husi Governu Timor-Leste ne’ebé lidera husi Xanana Gusmão no implementa husi Gabinete Fronteira Terrestre no Marítima (GFTM).

Partisipa iha lansamentu ne’e estudante na’in 80-resin husi eskola primária sira iha Dili laran.

Notísia relevante: PR Horta lansa ‘Peixe Azul’ ba fatin soe lixu plástiku

Jornalista: Hortencio Sanchez

Editora: Maria Auxiliadora

iklan
iklan

Leave a Reply

iklan
error: Content is protected !!