iklan

BOBONARO, HEADLINE, MUNISÍPIU, SOSIEDADE SIVĺL

CVTL realiza asembleia nasionál juventude iha Bobonaro

CVTL realiza asembleia nasionál juventude iha Bobonaro

Cruz Vermelha Timor Leste realiza asembleia nasionál juventude ba da-VII iha munisípiu Bobonaro. Imajen Tatoli/Sérgio da Cruz.

BOBONARO, 13 juñu 2024 (TATOLI) – Cruz Vermelha Timor-Leste (CVTL), kinta ne’e realiza atividade asembleia nasionál juventude ba da-VII iha munisípiu Bobonaro.

Prezidente Autoridade munisipál Bobonaro, Alexandrino Pires, husu joven sira aproveita didi’ak oportunidade ne’e ,tanba liuhusi atividade no programa CVTL nia bele forma ema sai líder di’ak iha futuru.

Notísia relevante: IOM apoia $200.000 ba CVTL implementa programa redusaun risku dezastre

“Imi aprende didi’ak, kapasita imi nia-aan, aban bainrua imi na’in hira ne’e sei sai líder di’ak ida, tanba joven agora atu aprende hadomi rai, atu hadomi ema seluk,” nia hateten iha salaun enkontru CVTL Maliana.

Sekretáriu Jerál CVTL, Luís Pedro Pinto, esplika, asembleia ne’e akontese bazea ba estaututu CVTL artigu 18 ne’ebé fó kompeténsia ba juventude CVTL atubele halo asembleia idak-idak nia iha munisípiu no filiál hodi bele eleitu estutrutua kompostu prezidente juventude ho vise-prezidente no hili delegadu sira atubele jere programa no identifika programa kona-ba juventude nia.

Nia dehan, liuhusi atividade ne’e mós joven sira bele hato’o relatoriu no programa sira-ne’ebé hala’o ona iha kada munisípiu nune’e bele evalua di’ak liután iha futuru.

“Sira mós bele halo sira-nia programa kona-bá joventude ninia atubele buka meiu oinsá hodi bele ajuda Cruz Vermelha, ita-nia espetativa maka juventude CVTL bele sai inspiradór ba juventude sira seluk liu hodi halo programa hodi transforma ita-nia nasaun,” nia katak.

Prezidente Juventufe CVTL, Bonifacio Abi, informa, durante mandatu hala’o fiskalkzasaun no monitoriza programa no atividade sira iha munisípiu, partisipa mós enkontru iha nasionál no internasionál sira hodi haree projetu sira-ne’ebé relevánsia ho kontestu Timor-Leste nia.

“Depois ita implementa iha ita-nia komunidade. Ha’u mós lejizla programa lubuk ida hanesan kompetisaun dijitalizasaun no programa seluk tán ne’ebé ha’u labele mensiona,” nia akresenta.

Notísia relevante: CVTL refleta solidariedade umanu liuhosi asaun imparsiál-promove diversidade entre ema

Jornlista: Sérgio da Cruz
Editór: Evaristo Soares Martins

iklan
iklan

Leave a Reply

iklan
error: Content is protected !!