DILI, 18 juñu 2024 (TATOLI)—Prezidente Parlamentu Nasionál (PPN), Maria Fernanda Lay, hateten proposta-lei Garantia Mobiliáriu bainhira hetan ona aprovasaun mak sei tulun setór privadu asesu kréditu ho funan kiik.
Notísia Relevante: Governu husu PN tau prioridade ba diskusaun proposta-lei Rejime Mobiliáriu
Prezidente Parlamentu Nasionál (PPN) liuhusi reuniaun plenária ohin, halo anúnsiu no admisaun baixa proposta-lei 10/VI(1a)-Rejime Jurídiku Garantia Mobiliáriu baixa ba komisaun espesilizada iha PN hodi bele fó apresiasaun inisiál.
“Anúnsiu no admisaun baixa ba komisaun no espera katak ho prazu bele iha audiénsia hodi esplora liután informasaun kona-ba garantia mobiláriu hodi bele fó aranka dezenvolvimentu ba ita-nia emprezáriu sira, hanesan garantia hodi sira bele hetan emprestimu ho funan kiik,” nia hateten iha reuniaun plenária PN.
Maske nune’e, PPN seidauk esplika detallu kona-ba konteúdu proposta-lei ne’e tanba komisaun espesializa sei fó apresiasaun inisiál hodi hato’o relatóriu no paresér,
Jornalista : Nelson de Sousa
Editór : Cancio Ximenes
