DILI, 20 juñu 2024 (TATOLI)—Parlamentu Nasionál (PN) simu ona kandidatu úniku Komisáriu Komisaun Anti-Korrupsaun (CAC, siglá portugés) husi Governu no tau ona ajenda iha reuniaun plenária iha 24 fulan-juñu tinan ne’e hodi bele hala’o eleisaun.
Notísia Relevante: Governu sei submete kandidatu úniku komisáriu CAC ba PN
“Iha 12 juñu tinan ne’e, Governu liuhusi reuniaun Konsellu Ministru delibera hodi propoin ba PN atu nomeia Rui Pereira dos Santos, ba komisáriu CAC ba mandatu tinan haat (4),” Sekretária Meza Parlamentu Nasionál (PN), Virginia Ana Belo, hateten ba jornalista sira iha resintu Parlamentu Nasionál, kinta ne’e.
Iha 12 Juñu tinan ne’e, Governu liuhusi reuniaun Konsellu Ministru delibera hodi propoin ba PN atu nomeia Rui Pereira dos Santos, no Governu propoin naran ne’e ba PN tanba fatin ne’e mamuk kle’ur ona, durante halo mundansa ba alterasaun daruak lei númeru 8/2019, loron 15 fulan Jullu, lei kona-ba CAC.
Ho alterasaun ne’e, komisáriu bele eleje ka ezonera ho maiória absoluta husi Deputadu sira iha PN hodi elimina ezijénsia sira uluk nian, pelumenus katoluk haat husi Deputadu sira-ne’ebé marka prezensa no hala’o hela funsaun.
Notísia Relevante: Komisáriu CAC Sergio Hornai nia mandatu ramata iha 21 janeiru
Jornalista : Nelson de Sousa
Editór : Cancio Ximenes
