iklan

BOBONARO, HEADLINE, MUNISÍPIU, SOSIEDADE SIVĺL

EDTL implementa projetu eletrifikasaun ba aldeia tolu iha Ritabou

EDTL implementa projetu eletrifikasaun ba aldeia tolu iha Ritabou

Xefe suku Ritabou, Maximiano dos Santos Araújo. Imajen Tatoli/Sérgio da Cruz.

BOBONARO, 21 juñu 2024 (TATOLI)-Eletrisidade Nasionál Timor-Leste, Empreza Públika (EDTL,E.P) implementa ona Projetu Eletrifikasaun Komunitária (PEK) ba aldeia tolu, hanesan; Riti-Udu, Daitete no Mahui, suku Ritabou, postu administrativu Maliana, munisípiu Bobonaro.

Xefe suku Ritabou, Maximiano dos Santos Araújo, informa ho projetu ne’e bele responde ona preokupasaun komunidade nia tanba durante tinan barak halerik tebes ba eletrisidade.

Notísia relevante: Aldeia tolu iha Ritabou kada família kontribui $100 dada rasik liña elétrika

“Uluk sira la asesu ba eletrisidade, ida-ne’ebé asesu ne’e na’in dada rasik, mas agora EDTL liuhusi servisu komunitária harii ona riin eletrisidade hahú husi Koléjiu asrama feto ninia ba to’o ona kanu-matan besik Lahomea,” nia ko’alia iha Maliana, sesta ne’e.

Nia fó-sai katak, populasaun ne’ebé sai benefisiária atu asesu enérjia elétrika iha aldeia tolu ne’e hamutuk uma-kain 400-resin.

Bainhira projetu ne’e fianaliza entaun totál populasaun aldeia 12 iha suku Ritabou asesu hotu no enérjia elétrika.

“Ha’u hanesan autoridade lokál sente kontente tanba governu bele tau ona prioridade, ba ita l-nia komunidade sira ne’ebé mak durante ne’e la asesu eletrisidade,” Xefe suku Ritabou ne’e agradese.

Enkuantu suku Ritabou iha aldeia 12 ho totál populasaun 6,801 no uma-kain 1,600.

Notísia relevante: EDTL sei troka poste eletrisidade antigu iha kapitál Maliana
Jornalista: Sérgio da Cruz
Editór: Evaristo Soares Martins

iklan
iklan

Leave a Reply

iklan
error: Content is protected !!