iklan

EDUKASAUN

Igreja Katólika la admite komersializa produsaun kamizola ba vizita Papa Francisco

Igreja Katólika la admite komersializa produsaun kamizola ba vizita Papa Francisco

Reprezentante Santa Sé iha Timor-Leste, Kordenadór Jerál Ekpa Ingreja ba Vizita Santo Padre, Francisco nia reprezenta hosi Monseñor Marco Sprizzi no Kardial Dom Virgílio do Carmo da Silva SDB, hala'o konferénsia imprensa hodi atualiza informasaun realsiona ho preparasaun vizita Sua Santidade Papa Francisco mai Timor-Leste, iha salaun Sekertáriadu Ekpa Ingreja, Camara Ecelesiástica Lecidere Díli, tersa (09/07). Imajen Tatoli/Francisco Sony

DILI, 09 jullu 2024 (TATOLI)–Reprezentante Vatikanu iha Timor-Leste, Nunsiu Apostólika, Monseñor Apostólika Marco Sprizzi, hateten igreja katólika husu ba sarani sira iha Timor-Leste atu labele uza imajen Papa Francisco nian hodi komersializa produsaun kamizola no faan ba públiku.

Notísia Relevante: Vatikanu lansa ona oráriu Papa Francisco hala’o vizita pastorál iha Timor-Leste

“Ida-ne’e la’ós legál, tanba uza imajen Papa Francisco ba fim lukrutivu presiza autorizasaun husi Vatikanu,” Monseñor Apostólika Marco Sprizzi hateten ba jornalista sira liuhusi konferénsai imprensa ne’ebé realiza iha Episkopál, Lecidere, tersa ne’e.

Reprezentante vatikanu ne’e esplika, Papa Francisco nia vizita ne’e nu’udar vizita ida-ne’ebé ema hotu hein, maibé labele sai oportunidade ba negosiante sira hodi uza imajen Papa Francisco nian ba produsaun kamizola, sein lisensa husi Vatikanu.

“Ba sira-ne’ebé prodús kamizola hodi hetan lukru, sira halo sein lisensa hosi Vatikanu, liuliu sarani katólika tenki hanoin ne’e la loos. Ha’u lakohi dehan ida-ne’e sala ka pekadu,” nia dehan.

Iha fatin hanesan, Arsebispu Arkidioseze Metropolitana Díli, Dom Vírgílio Kardeál do Carmo da Silva, hateten Governu prepara hela kamizola ho imajen Papa Francisco nian hamutuk 700.000, atu bele fahe ba sarani sira-ne’ebé atu tuir misa solene ne’ebé Papa Francisco prezide iha Tasi-Tolu, iha 10 setembru 2024, iha tuku 16h30 lorokraik.

Dom Virgílio Kardeál hateten, kamizola ho imajen Papa Francisco nian ne’ebé Governu prodús ne’e, tuir planu sei distribui ba reprezentante sarani sira husi dioseze Dili, Baucau no Maliana, iha loron tersa (10 setembru 2024) antes atu tuir misa solene iha Tasi-Tolu ne’e.

“Ba misa solene iha Tasi-Tolu, Governu prepara ona no sei fahe kamizola 700.000, dalaruma iha mós salurik (sumbriña) no xapeo hotu, molok misa solene ne’e hahú,” nia dehan.

Notísia Relevante: Papa Francisco sei prezide misa solene iha Tasi-Tolu iha 10 setembru

Jornalista : Jesuína Xavier

Editór       : Cancio Ximenes

iklan
iklan

Leave a Reply

iklan
error: Content is protected !!