iklan

NASIONÁL, EKONOMIA, INTERNASIONÁL, DILI, HEADLINE, POLÍTIKA

Indonézia fahe esperiénsia ba TL kona-ba asuntu ekonómiku hodi adere ba ASEAN

Indonézia fahe esperiénsia ba TL kona-ba asuntu ekonómiku hodi adere ba ASEAN

Ministériu Negósius Estranjeirus no Kooperasaun liuhosi Diresaun Jerál ba Asuntu ASEAN realiza sesaun fahe hanoin kona-ba nasaun Indonézia nia esperiénsia iha Integrasaun ba ASEAN iha salaun MNEC, tersa 9 juilu 2024. Foto Tatoli/Antonio Daciparu

DILI, 09 jullu 2024 (TATOLI)– Diretór Jerál ba Kooperasaun ASEAN iha Ministériu Negósiu Estranjeiru Indonézia, Sidharto Reza Suryadiporo ho ekipa fahe esperiénsia ekonomia Indonézia nian ba Timor-Leste hanesan meiu ida atu tulun Timor-Leste nia adezaun ba ASEAN iha tinan oin.

“Delegasaun husi Indonézia mai atu ko’alia ho ita liuliu ita nia integrasaun rejionál ba asuntu ekonómika nian, entaun sira mai fahe esperiénsia kona-ba ekonomia oinsá atu tulun ita nia adezaun ba ASEAN liuliu pilar ekonómiku nian,” Vise-Ministra Asuntu ASEAN, Milena Rangel, hateten ba jornalista iha edifisiu Ministériu Negósiu Estranjeiru no Kooperasaun (MNEK) Dili, tersa ne’e.

Notisia relevante:MNEK-UE realiza semináriu hodi prepara dokumentu adezaun TL ba ASEAN

Ministériu Negósius Estranjeirus no Kooperasaun liuhosi Diresaun Jerál ba Asuntu ASEAN realiza sesaun fahe hanoin kona-ba nasaun Indonézia nia esperiénsia iha Integrasaun ba ASEAN iha salaun MNEC, tersa 9 juilu 2024. Foto Tatoli/Antonio Daciparu

Timor-Leste presiza tebes nasaun membru sira atu fahe esperiénsia liuliu iha pilar ekonomia no sósiu kulturál, nune’e bele tulun Timor-Leste hodi serbisu maka’as ba adezaun iha tinan oin.

“Sira ne’ebé mai rona esperiénsia ne’e mai husi lina ministeriál hotu, sira presiza mai rona duni, nune’e bele foti esperiénsia ne’ebé di’ak ita bele implementa. Tanba Indonézia mós nasaun ida ne’ebé nia ekonomia di’ak tebes iha ASEAN, ita presiza rona barak husi sira,” katak Governante ne’e.

Iha okaziaun ne’e, Diretór Jerál ba Kooperasaun ASEAN iha Ministériu Negósiu Estranjeiru Indonézia Sidharto Reza Suryadiporo, hateten, Indonézia prontu ajuda nafatin Timor-Leste iha área ekonómia, nune’e bele fasilita Timor-Leste nia adezaun ba membru ASEAN.

“Ami mai atu fahe esperiénsia kona-ba ekonómia Indonézia nian ba Timor-Leste, atu haree hamutuk oinsa Timor-Leste nia adezaun ba ASEAN iha pilar ekonomia nian. Timor-Leste hanesan membru ASEAN ba dala-11, maibé agora iha hela prosesu atu tama ona ba membru permanente, entaun Indonézia prontu kolabora ho Timor-Leste hodi tulun,”  Sidharto dehan.

Daudaun ne’e, Timor-Leste sei kompleta hela roteiru ne’ebé mak Sekretariadu ASEAN fó, maibé Indonézia fiar katak Timor-Leste sei konklui iha tempu besik, nune’e tinan oin bele adere ona hanesan nasaun membru permanente.

Notisia relevante:TL presiza dezenvolve área infraestrutura teknolojia no rekursu umanu, molok adere ba ASEAN

Jornalista: Hortencio Sanchez

Editór     : Florencio Miranda Ximenes

iklan
iklan

Leave a Reply

iklan
error: Content is protected !!