APORTIL, I.P rekolla reseita $687.000-resin iha janeiru-jullu
DILI, 29 jullu 2024 (TATOLI)—Autoridade Portuáriu Timor-Leste, Institutu Públiku (APORTIL, I.P) rekolla ona reseita $687.532,39 ba kofre Estadu, iha janeiru to’o jullu 2024.
“Reseita sira ne’e kontribui husi operasaun ró-ahi, ró mina, ró kompañia privada Success, Berlin Ramelau, Berlin Nakroma, armas deskobertu, kobertu, bee-moos ba ró-ahi sira no seluk tan,” Vogál I APORTIL, I.P, Júlio Saldanha Barreto, informa ba Agência Tatoli, iha ninia knaar fatin, APORTIL, I.P, segunda ne’e.
Notísia relevante : Prezidente APORTIL, I.P sei foku ba prioridade tolu durante mandatu
Institutu Públiku ne’e rekolla reseita ho montante $1.047.804,58 ba kofre Estadu iha tinan 2023.
Reseita sira ne’e sura ho ró-ahi importasaun mina iha Hera no Dili, maibé reseita sira ne’e orijen husi atividade operasaun ró-ahi sira.
APORTIL rekolla kompletamente reseita husi ró-ahi sira, tanba operasaun transporte marrítima ba merkadoria importasaun muda hotu ba Tibar desde fim 2022.
Jornalista : Arminda Fonseca
Editora : Julia Chatarina
