DILI, 12 agostu 2024 (TATOLI)–Arsebispu Arkidioseze Metroppolitana Dili, Dom Virgilio Kardeál do Carmo da Silva, hateten enkontru sarani nian ho amu Papa iha ninia nia vizita Pastorál iha Setembru nu’udar oportunidade peregriganansaun no grasa maibé presiza ema hotu nia sakrifisiu.
Notísia Relevante: Governu entrega reabilitasaun Katedrál-rezidénsia madre ALMA ba Igreja
Kardeál hateten, Governu no Igreja halo hela preparasaun obra fízika ba vizita Santu Padre nian, maibé importante liu mak ema hotu prepara aan interiormente, nune’e husu ba populasaun sira atu prepara aan ho laran simu Papa Francisco nia vizita Estadu no pastorál iha Timor-Leste iha 09-11 setembru 2024 ne’e.
“Hafoun igreja katedrál ne’e igreja antiga ba ema hotu. Hafoun ida-ne’e sai konvite ida ba ita atu sarani hotu-hotu aproveita oportunidade ida-ne’e hafoun ita-nia aan liuhosi preprasaun no formasaun, tanba vizita amu Papa nian ne’e nu’udar peregrinasaun ida,” Arsebispu Arkidioseze Metropolitana Dili, Dom Virgílio Kardeál do Carmo da Silva, SDB, hateten iha nia diskursu nakait ho Governu entrega reabilitasaun igreja Katedrál ba uma kreda, iha Katedrál, Vila Verde.
Dom Vírgílio hateten, peregrinasaun ne’e sempre mai ho kosar, kolen, hamlaha no manas, no buat hirak ne’e hotu hola parte sarani sira-nia sakrifísiu ba sarani ida-nian ba loron boot ida-ne’e.
Sakrifisiu ida-ne’ebé sarani sira halo sei la saugate de’it tanba sarani sira manán grasa, ne’eduni dala ida tan konvida ema hotu, loron besik ba daudaun entaun mai hotu ba hasoru Amu Papa iha Katedrál, iha Sentru Konvensaun Dili no iha Tasi-Tolu.
Notísia Relevante: Papa Francisco sei prezide misa solene iha Tasi-Tolu iha 10 setembru
Jornalista : Jesuína Xavier
Editór : Cancio Ximenes
