DILI, 02 setembru 2024 (TATOLI)–Jerente empreza Bhakti Karya Timor (BTK), Soares da Costa, hateten konstrusaun toilet públiku hamutuk 70 ne’ebé atu fasilita sarani sira hodi partisipa misa solene ne’ebé Papa Francisco iha Tasi-Tolu, iha 10 setembru 2024, iha tuku 16h30 ne’e konklui ona.
“Ami monta hotu ona toilet públiku fatin sira-ne’e no monta ona tanke bee nian,” Jerente Empreza BTK, Soares da Costa, ba Agência Tatoli liuhusi WhatsApp.
Nia hateten, empreza mós komesa halo loron tolu tanba sei empreza okupadu hela hodi prepara fatin ba sarani sira husi dioseze Baucau nia fatin konsentrasaun.
Ba preparasaun ne’e, Ministru Administrasaun Estatal (MAE), Tomás do Rosário, hateten Governu Austrália fó ona apoiou hanesan tanke bee nian hamutuk 60 no fura bee fatin tolu iha Tasi-Tolu hodi prepara ba vizita sua santidade Papa Francisco nian.
Governante ne’e heteten, tanke bee nian ne’ebé hetan apoiou husi Governu Austrália nian ne’e tau 30 iha Tasi Tolu no restante ne’e sei tau iha fatin konsentrasaun tolu ba sarani sira husi munisipiu.
Jornalista : Jesuína Xavier
Editór : Cancio Ximenes
