DILI, 11 Setembru 2024 (TATOLI) –Peregrinu hamutuk 4.365 hosi Munisípiu Covalima husi ona fatin konsentrasaun iha Tibar, Munisípiu Liquiçá fila hikas bá sira nia fatin.
Informasaun ne’e hato’o husi Sekretáriu Komisaun Organizadora Munisipiu Covalima, Alberto Moniz de Araújo, ohin, kuarta-feira. “Ohin dadersan iha 08:00 otl peregrinu sira fila hikas ona bá Covalima. Viajen ne’e hetan akompañamentu husi Polísia Nasionál Timor-Leste Covalima. Agora hela de’it ami autoridade ho amu paróku hamutuk ho joven sira seluk ne’ebé sei iha Centro Convenção de Díli (CCD)”, Alberto Moniz de Araújo haktuir ba Tatoli, iha CCD, Dili.
Tuir nia, joven nai’n-60 husi Covalima hamutuk ho reprezentanten joven sira husi Munisípiu seluk hodi tuir enkontru ho Papa Francisco iha CCD.
“Durante loron-rua no kalan tolu iha Dili buat hotu la’o diak, tanba Governu prepara kondisaun ne’ebé sufisiente hodi fasilita peregrinu sira”, tenik nia.
Notísia relasionada: Peregrinu Covalima simu Papa ho bidu likurai
Jornalista: Domingos Piedade Freitas
Editora: Isaura Lemos de Deus
