DILI, 18 novembru 2024 (TATOLI) – Prezidente Institutu Politékniku Betano (IPB), Acácio Cardoso Amaral relata katak IPB ezekuta ona 87% hosi Orsamentu Jerál Estadu (OJE) 2024.
“Ezekusaun orsamentu IPB nian ne’e ami ezekuta ona 87%. No fiar no espera katak hela fulan ho sorin bele ezekuta to’o 90%-resin. Husi totál Orsamentu Jerál Estadu 2024 hamutuk millaun $1.6,” Prezidente IPB, Acácio Cardoso Amaral, hatete, iha Hotel Timor, Dili, segunda ne’e.
Notísia relevante:PN konsidera ezekusaun OJE 2024 la’o di’ak
Nia dehan, husi osan ne’e ezekuta ba saláriu no vensimentu, kapitál menor no kapitál dezenvolvimentu nian.
Prezidente IPB hatutan, Orsamentu Jerál Estadu 2025 nian Governu alokadu millaun $1.1 ba IPB hodi prioritiza ba atividade akadémika IPB nian, ensinu, peskiza no servisu komunidade.
“Osan millaun $1.1 ne’e ba ami IPB kontente ona, para oinsá bele hala’o ami-nia programa akadémika nian, osan ne’e tuun tebes, mezmu osan tun hosi Orsamentu Jerál Estadu 2024 maibé ami ne’e nafatin kontente tanba Governu fó ita simu no ezekuta tuir planu sira ne’ebé iha,” nia dehan.
Notísia relevante:IPB propoin estudante 400 ba tinan letivu 2025
Jornalista : Osória Marques
Editór: Rafael Ximenes de A. Belo
