DILI, 20 novembru 2024 (TATOLI)—Sekretáriu Estadu Komunikasaun Sosiál (SEKOMS), Expedito Dias Ximenes, hato’o esplikasaun kona-ba índise liberdade imprensa Timor-Leste (TL) iha tinan 2024 ba Deputadu sira iha Parlamentu Nasionál (PN).
Notísia Relevante: Liberdade imprensa iha Timor-Leste monu ba pozisaun da-20
“Kona-ba índise liberdade imprensa ba tinan 2024 nian, loos duni tinan-tinan Reporters Sans Frontiers (RSF) halo nia reportajen ba fó sai ba mundu tomak, no Timor-Leste iha 2024 ne’e iha pozisaun índise liberdade imprensa ba da-20,” Sekretáriu Estadu ne’e hateten hodi responde ba preokupasaun Deputadu sira-nian kona-ba índise liberdade imprensa TL ba 2024, iha ámbitu debate proposta Orsamentu Jerál Estadu (OJE) 2025 iha sala plenária PN, kuarta ne’e.
Nia haktuir, iha tinan anteriór indísie liberdade imprensa TL hahú iha 2021 iha pozisaun 71, no 2022 ita tún ba 17, iha 2023 hetan pozisaun 10 no iha 2024 iha 20.
Entretantu, índise ne’ebé tún no sa’e ne’e iha indikadór lima ne’ebé sira bele halo avaliasaun.
Notísia Relevante: Membru PN preokupa liberdade imprensa TL monu ba pozisaun da-20
“Indikadór polítika, lejislasaun, sosiál, seguransa, tantu indikadór lima ne’e bele fó, no ita iha indikadór iha 2024, ita indikadór seguransa ho polítika ne’e iha no sae, no iha indikadór seluk tún, tanba ne’e mak ita hetan pozisaun ba da-20,” nia hateten.
Maibé, nia dehan, kompara ho nasaun sira seluk iha CPLP ne’e Timor-Leste hetan pozisaun iha númeru rua (2) no Portugál hetan númeru hitu (7). Timor-Leste hetan númeru 20 no iha ASEAN Timor-Leste okupa pozisaun númeru ida (1), tanba nasaun sira seluk hetan índise liberdade imprensa aas tebe-tebes.
“Ita atu hateten ba deputadu sira, katak iha 2024, tantu laiha influénsia, hanesan ohin Deputadu sira hateten ho intervensaun Ministra Saúde dalaruma halo ba kolega jornalista sira iha ospitál intervein labele. Tanba, iha kódigu étika jornalizmu mós hatudu iha instalasaun balun ne’ebé jornalista labele tama to’o laran,” nia hateten.
Notísia Relevante: SEKOMS hakarak hasa’e índise liberdade imprensa iha Timor-Leste
Jornalista : Nelson de Sousa
Editór : Cancio Ximenes
