BOBONARO, 09 dezembru 2024 (TATOLI) – Autoridade Munisípiu Bobonaro lideradu Alexandrino Pires, sei kria kondisaun ba negosiante sira fa’an ikan iha Bogor.
Diretor Servisu Munisipál Jestaun Merkadu, Paulo dos Santos, hateten autoridade sei prepara orsamentu hodi kria kondisaun ba negosiante sira atu halo atividade negósiu ikan iha fatin atuál bairru-Obor, suku Raifun, postu administrativu Maliana ne’ebé konjunta Sekretáriu Estadu Asuntu Toponímia no Organizasaun Urbana sobu fulan kotuk liubá tanba konsidera la ijieníku.
Diretór Paulo dos Santos, governu lokál deside negosiante sira kontinua fa’an ikan iha fatin atuál.
Notisia relevante: Presu nesesidade bázika iha merkadu Maliana normál
“Sira nafatin utiliza fatin, ne’ebé ami kria mak ninia kondisaun, hanesan halo meza, depois ké bee fatin para ninia fo’er ne’e soe tun ba laran, leten ne’e dada kapa loraik sira bele hasai meza ne’e nafatin,” nia informa ba TATOLI, iha kna’ar fatin, segunda ne’e.
Enkuantu kona-ba asuntu negosiante sira fa’an fali Ikan iha estrada públiku parte Rotunda Maliana iha kedas Loja SEARA oin, Diretór Paulino konsidera intensaun ne’e atu hetan reajen husi autóridade munisípiu Bobonaro kona-bá promesa atu harii fatin foun.
“Agora ha’u hein hela atu hasoru Exelénsia PAM, oinsá bele rezolve promesa saida mak hateten ba negosiante sira. Ida-ne’e hanesan traballu ida mai jestaun merkadu, maibé kompeténsia tomak iha PAM ne’ebé ha’u husu ba negosiante sira labele urjente, fa’an lai iha fatin ne’e, importante mak hola tan espasu dook oituan,” nia dehan.
Notísia relevante: SEATOU sobu barraka no fahi-luhan iha merkadu Maliana Vila
Jornalista: Sérgio da Cruz
Editór: Evaristo Soares Martins
