iklan

BOBONARU, HEADLINE, MUNISÍPIU, POLÍTIKA

CNE introdús lala’ok eleisaun munisipál ba estudante ETA Moleana

CNE introdús lala’ok eleisaun munisipál ba estudante ETA Moleana

Diretór CNE Munisípiu Bobonaro, Juvito Ramos. Imajen Tatoli/Sérgio da Cruz.

BOBONARO, 10 dezembru 2024 (TATOLI) – Komisaun Nasionál Eleisoens (CNE, sigla portugés), Munisípiu Bobonaro, tersa ne’e realiza atividade edukasaun sívika hodi introdús lala’ok eleisaun kámara munisipál no lei podér lokál ba estudante sira iha Eskola Téknika Agríkola (ETA) Moleanan, suku Ritabou, postu administrativu Maliana ho tema ‘Hamutuk konsilidade demokrasia iha eleisaun ba podér lokál ne’ebé partisipativu no inkluzivu’.

Diretór CNE Munisípiu Bobonaro, Juvito Ramos, esplika, atividade ne’e realiza oinsá estudante sira bele iha koñesimentu kona-ba lala’ok no prosesu eleisaun molok hakat ba eleisaun asembleia munisipál.

Nia reforsa atividade importante tebes tanba eleisaun kámara munisipál hanesan eleisaun foun ne’ebé foin primeira vez atu realiza iha Timor-Leste hafoin nasaun ne’e restaura independénsia iha 2002.

Notísia relevante: CNE prepara matéria edukasaun sívika ba eleisaun munisipál

“Talvez, ita-boot sira rona, ema ko’alia beibeik kámara munisipál, ninia prosesu eleisaun ne’e hanesan ne’ebé, tanba eleisaun ne’e foin primeira vez ita atu realiza, ne’ebé husu ba alin sira karik fila ba uma bele hatutan ba família, viziñu sira kona-ba lala’ok eleisaun asembleia munisipál,” nia hateten iha intervensaun ba atividade ne’e.

Diretór ETA Moleana, Afonso dos Santos da Cinceição, agradese ba CNE, STAE no autoridade munsípiu no konsidera atividade importante tebes tanba estudante barak mak atinje ona idade 17 ne’ebé iha direitu atu partisipa eleisaun asembleia munisipál.
“Ha’u husu ba estudante sira atu rona no aplika tanba ida-ne’e importante tebes ba ita,” nia katak.

Sekretariadu Tékniku Administrasaun Eleitorál (STAE) Munisípiu Bobonaro, lideradu Mariano Viegas Amarál, introduz ba estudante sira kona-ba prosesu trata kartaun eleitorál ho baze biométriku.
Alende ne’e Autoridade Munisípiu Bobonaro mós introdús lei kona-ba lala’ok asembleia munisipál.
Notísia relevante: CNE-Autoridade Bobonaro diskute futuru preparasaun hasoru eleisaun kámara munisipál

Jornalista: Sérgio da Cruz
Editór: Evaristo Soares Martins

iklan
iklan

Leave a Reply

iklan
error: Content is protected !!