iklan

NASIONÁL, HEADLINE

PN bele bolu Governu halo debate espesífiku ba asuntu despeju administrativu

PN bele bolu Governu halo debate espesífiku ba asuntu despeju administrativu

Vise-Ministru Asuntu Parlamentár, Adérito Hugo da Costa. Imajen Tatoli/Francisco Sony.

DILI, 14 janeiru 2025 (TATOLI)—Vise-Ministru ba asuntu Parlamentár, Adérito Hugo da Costa, hateten, Parlamentu Nasionál (PN) bele bolu Governu liuhusi ministériu tutela hodi halo debate espesífiku ba asuntu despeju administrativu.

“Relasiona ho intervensaun diversu, hakarak dala-ida tan, ho kestaun eviksaun ikus no iha pasadu, husu dala-ida tan ba posibilidade konvokatóriu liuhusi komisaun espesializada ou iha plenária hodi halo debate sériu no konsentra iha situasaun ne’e,” Vise-Ministru hato’o hodi hatán ba  preokupasaun deputadu sira-nia, iha reuniaun plenária PN, tersa ne’e.

Notísia relevante : Komunidade afetadu despeju administrativu hetan indemnizasaun husi Governu

Governante ne’e hato’o kestaun ne’e tanba asuntu despeju administrativu sai ona ema hotu nia preokupasaun.

Iha biban hanesan, Prezidente Parlamentu Nasionál, Maria Fernanda Lay, hateten, rejimentu fó dalan atubele bolu Governu mai PN hodi halo debate no interpelasaun ba asuntu ne’ebé foti beibeik, nune’e bankada Parlamentár sira bele hato’o karta eskrita mai meza hodi bele konvida membru Governu iha área tutela.

Nune’e mós, Deputadu Bankada Frente Revolucionária de Timor-Leste Independente (FRETILIN), Antonino Bianco, kontinua preokupa ho desizaun Governu ne’ebé halo ona despeju administrativu ba komunidade iha Fomento II no fatin seluk tan maibé Governu la kria kondisaun.

Notísia relevante : Governu responde preokupasaun Deputadu ba despeju administrativu iha Fomentu II

Enkuantu, iha reuniaun plenária antes ne’e, bankada Parlamentár liu-liu opozisaun sira preokupa tebes kona-ba desizaun Governu liuhusi Sekretaria Estadu Asuntu Toponímia no Organizasaun Urbana (SEATOU) halo despeju administrativu ba komunidade Fomento II ne’ebé hela iha fatin risku  ba dezastre naturál maibé la kria kondisaun.

Jornalista     : Nelson de Sousa

Editora          : Julia Chatarina

iklan
iklan

Leave a Reply

iklan
error: Content is protected !!