iklan

EKONOMIA, HEADLINE

Konstrusaun ba parajen transporte públiku finaliza iha Abríl

Konstrusaun ba parajen transporte públiku finaliza iha Abríl

Prosesu kontrusaun halte iha Colmera-Díli, segunda (23/12). Imajen Tatoli/Francisco Sony

DILI, 21 janeiru 2025 (TATOLI) – Ministériu Transporte no Komunikasaun (MTK) kontrata, iha tinan kotuk, empreza Carisma Unipessoal Lda hodi konstrui parajen ba transporte públiku (halte bus) 10 iha kapitál, ne’ebé sei finaliza iha Abríl ne’e.

Diretór Nasionál Aprovizionamentu MTK, Pascoal Couto de Jesus, informa MTK kontrata empreza ne’e ho montante $96.956 hodi estabelese parajen públiku iha Dili.

Notisia relevante : https://tatoli.tl/2024/04/30/reabilitasaun-parajen-transporte-publiku-16-iha-ona-prosesu-aprovizionamentu/

Iha sorin seluk, Jestór empreza Carisma Unipessoal Lda, Felizito Chang, hateten parajen ba transporte públiku ne’ebé sira konstrui ne’e daudaun atinje ona 35%.

“Ita monta hotu ona parajen públiku nia rangka no hein sasán mai mak ita monta, tanba item balun iha Timór laiha hanesan kaca mika 10mm, Acp 4mm ho guiding block. Entaun, tenke sosa husi rai-li’ur”, dehan.

Parajen ba transporte públiku 10 ne’e estabelese iha estrada protokolu sira hanesan iha Comoro, Timor Plaza, Ai-mutin, Bairru-Pite, Villa-Verde gruta nian, edifísiu Ministériu Solidaridade Sosiál no Inkluzaun (MSSI) nia oin, Matadouru iha eskola UNAMET nia oin, Villa-Verde iha igreja katedrál nia sorin, Caicoli iha estasaun polísia nia sorin no ikus iha Diresaun Nasionál Transporte Terrestre (DNTT) Balide.

Lembra katak Departamentu Tráfiku Rodaviáriu DNTT, antes ne’e, identifika parajen antigu ba transporte públiku sira iha Dili laran hamutuk 16, ne’ebé konstrui iha tempu Indonézia.

Notísia relevante: DNTT hahú estabelese ona parajen públiku balun iha Dili

Jornalista: Arminda Fonseca

Editora: Maria Auxiliadora

iklan
iklan

Leave a Reply

iklan
error: Content is protected !!