Falur lansa livru ho títulu “Ilustrasaun, Rekuperasaun no Konsiensializasaun¨
DILI, 31 janeiru (TATOLI)- Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raul “Falur Rate Laek”, sesta ne’e, lansa livru ho títulu ne’ebé Ilustrasaun, Rekuperasaun no Konsiensializasaun¨, hanesan memorial uta ba libertasaun nasionál.
¨Livru ida ne’e refleta ba ha’u uluk sei hanesan Xefe Estadu Maiór liuliu deskreve kona ba Timor-Leste ukun aan tinan rua nulu resin haat no formasaun ba forsa armada ne’ebé atinje ona tinan 24 inklui ha’u nia idea ne’ebé hau iha gerilia no ha’u hakerek hotu iha livru ida-ne’e¨, hateten Falur iha nia intervensaun iha Sentru Instrusaun Komandante Nicolau Lobato, Metinaro, Sesta ne’e.
Notísia relevante:Austrália entrega ofisiál salaun memoriál ba Komandu F-FDTL
Títulu livru ne’e, Komandante F-FDTL ne’e esplika: “Livru ne’e hare’e ba ha’u nia peregrinasaun iha timor laran tomak, ne’ebé fó sinál ba fatin istóriku hotu oinsá ita dignikfika situasaun sira hotu. Liuliu ba situasaun polémika veteranu nian mai ne’e. Ida-ne’e ha’u halo ona konkluzaun no ninian resposta ha’u hakerek hotu ona iha livru ida-ne’e”.
Livru ne’e ho totál pájina 50 no iha kapítulu haat mak hanesan Timor-Leste Terra da Ponte Lanca e Lingua de fogo, Timor-Leste Terra da Santa Cruz e Dorosario, Timor-Leste Terra da Resistência e da Rezilencia no Timor-Leste Terra da Luta ida da Paz.
Livru ne’e ho lian Tetun, Portugés no Inglés, hafoin halo lansamentu sei faan ho folin kada livru $20 no nia osan sei rai iha salaun memoriál hodi utiliza ba nesesidade salaun ne’e ninian.
Notísia relevante:Padre Adriano Olan husu membru F-FDTL banati espíritu FALINTIL
Jornalista: Natalino Costa
Editór: Florencio Miranda Ximenes
