DILI, 12 Fevereiru 2025 (TATOLI)–Universidade Katólika Timorense (UCT, sigla portugés) São João Paulo II simu estudante estranjeiru 144 ne’ebé sei hasai kursu medisina iha universidade referida.
Estudante sira ne’e mahusi Índia, Pakistaun, Bangladexe, iha mós husi Nepal. Kursu ba programa mak lisensiatura iha medisina no lisensiatura iha sirurjia (MBBS), no mós medisina baxarelatu.
Reitór UCT, Padre Joel Casimiro Pinto, hatete dalen iha prosesu aprendizajen mak inglés. “Lingua ne’ebé hanorin mak inglés no sira mós esforsu-an hodi aprende lian-tetun”, Reitór dehan iha ninia servisu-fatin, ohin.
Programa referidu, Reitór hatete sei akompaña husi dosente estranjeiru na’in-tolu no konsidera sei sufisiente.
Notísia relevante: UCT ho UNTL asina akordu iha área medisina
Programa ne’e realiza tanba servisu hamutuk entre Fundasaun São Paulo nian iha Arkediozese Dili ho IndoMed Educare Private Limited.
Preparasaun ba programa ne’e, Amu Joel dehan kuaze tinan ida no tinan ne’e mak foin ofisializa.
Totál estudante ativa husi UCT hamutuk 2.144, inklui ona ho estranjeitu, númeru dosente 140.
Notísia relevante: Klase internasionál UNPAZ no UCT hahú ona aula
Jornalista : Osória Marques
Editora : Rita Almeida
