VIKEKE, 28 fevereiru 2025 (TATOLI)— Diretór Servisu Ministériu Agrikultura, Peska, Pekuária no Floresta (MAPPF), munisípiu Vikeke, Olivio Freitas Soares, relata, progresu konstrusaun klínika saúde animál ne’ebé konstrui husi MAPPF liuhusi Diresaun Veterenaria.
Diretor Servisu Agrikultura Munisipiu Viqueque (SMAP), Olivio Soares Freitas, dehan reabilitasaun no espasu ba edifísiu Sentru Saúde Animál, iha aldeia Mauselok, suku Matahoi, Postu Administrativu Uatulari, Munisipiu Vikeke atinji 100%.
“Konstrusaun klínika Saúde Animal ne’ebé konstrui iha postu Uatulari ne’e, ninia progresu daudaun ne’e konstrusaun fíziku ita-nia empreza atinji ona 100%. Maibé, atu inagura ne’e depende governu nasionál mak planu, ami munisípiu monitoriza de’it servisu sira-ne’e,” Diretor Servisu Agrikultura Munisipiu Viqueque (SMAP),Olivio Soares Freitas, dehan ba Agência Tatoli, iha postu Viqueque Vila, sesta ohin.
Kona-ba klínika ne’e nia dehan, estabelesementu klínika saúde animál ne’e atu fó atende ba komunidade sira nian animál moras iha postu Uatulari. Tanba durante ne’e komunidade sira preokupa servisu saúde animál, maibé ho establesementu ne’e bele ajuda komunidade sira.
“Ba konstrusaun klínika ne’e remata ona, ita hein governu nasionál, karik halo inagurasaun depende husi sira nasionál. Ba oin ita sei kompleta rekursu no ai-moruk sira iha klínika ne’eba hotu hodi fó atendimentu ba komunidade sira-ne’ebé nia animal moras”, nia realsa.
Durante ne’e nia dehan, munisípiu Vikeke laiha klinika ba saúde animál, nune’e funsonariu destaka ba saúde animál ba kada postu, maibé pesoal sira-ne’e hela iha ida-idak nian uma mak ba fo atendimentu ba komunidade sira-nia animál ne’ebé moras.
Entertantu, projetu konstrusaun ba klínika saúde animál konstrui husi empreza Dariwin Unip Lda hodi kontrusaun ba reabiltasaun klínika saúde animál. Reabilitasaun no espasaun edifísiu Sentru Saúde animal gasta orsamentu hamutuk $34,985.00.
Konstrusaun sentru klínika saúde animál hahú konstrusaun iha fulan Setembru 2024 no finaliza konstrusaun iha fulan Janeiru 2025.
Jornalista : Vitorino Lopes da Costa
Editór : Armandina Moniz
