DILI, 12 Abríl 2026 (TATOLI)—Arsebispu Metropolitana Dioseze Dili, Dom. Virgílio Cardeal do Carmo da Silva, konsidera misaun Divina Mizerikórdia la’ós de’it selebrasaun litúrjia maibé selebrasaun ba identidade fiar kreda ida nian.
Arsebispu dehan, sarani nia frakeza la boot liu Maromak nia domin, nune’e resuriasaun ohin loron la’ós de’it eventu estraordináriu maibé hanesan lia loos no verdade ne’ebé tenke anúnsia Jesus nia moris hias no hakarak sarani atu haklaken, tamba ne’e Páskua konvida ema hotu atu sai sasin.
“Entaun, iha Misa Divina Mizerikórdia ida-ne’e fó hanoin mai ita atu hanoin fali Jesus nia terus, mate no nia moris hias durante tempu Páskua nian ita remata iha loron ohin,” Arsebispu, informa liuhusi omília iha Misaun Selebrasaun Divina Mizerikórdia, iha Igreja SAKROJES Bekora, Domingu ne’e.
Notísia relevante : Selebra Páskoa, “Moris pasiénsia tuir idaidak nia fiar”
Amu Cardeal esplika, iha selebrasaun liturjia ba Domingu ida-ne’e, konvida sarani sira atu loke-an ba Maromak nia grasa, liuliu grasa Mizerikórdia, tamba iha biban ne’e hatudu Maromak nia kompaisaun no perdaun ne’ebé kle’an mai ema ida-idak.
Aleinde ho selebrasaun ida ne’e, fó hanoin mai ita kona-ba Jesus nia moris hias la’ós de’it manán mate, maibé mós Maromak nia laran sadia ne’ebé sulin ba ita ninia laran luak.
“Husi leitura sira hotu konvida sarani sira atu reza hamutuk unidade no halo asaun karidade hamutuk, entaun atu hafoun moris sira hotu ninia xave maka fiar no domin,” nia katak.
Mizerikórdia atu ema bele komprende Jesus nia esperénsia no peniténsia pesoál, ho ida-ne’e halo saeani mós bele kompreende katak violénsia no vingansa laiha sentidu.
“Tamba bainhira ita iha ódiu ruma ba malu no perdua malu, labele husik Maromak mak halo justisa ba ita-nia hahalok, perdua malu ne’hahú husi sentimentu, koko ho sinseridade no onestidade”, nia apelu.
Nia dehan, mensajen husi Mizerikórdia katak Maromak mai bolu ema ida-idak atu filafali ba Nia ho fiar hodi hafoin konfiansa ba Maromak. Iha oportunidade ne’e mós Arsebispu husu ba sarani hotu atu reza hamutuk ba akontesimentu funu iha Médiu Oriente
Sentidu Misa Divina Mizerikórdia
Misa Divina Mizerikórdia hanesan serimónia relijiozu iha Igreja Katólika, ne’ebé hanesan Miserikórdia ba Maromak nian. Liafuan “Mizerikórdia” ho lian portugés katak “halema” ka “kobrar”.
Nune’e, misa ne’e haktuir husi Jesus ba Santa Faustina Kowalska, ne’ebé dehan katak Jesus husu atu halo serimónia ne’e iha loron Domingu, iha loron ne’ebé Igreja foin hetan Jesus husi nia mate. Tamba ne’e, durante Misa Divina Mizerikordia, sarani sira sei halo orasaun, hananu, no simu sakramentu eukaristia ho fiar boot, ne’ebé haktuir husi Jesus rasik.
Entretantu, selebrasaun Misa Eeukaristia ida-ne’e marka mós prezensa husi reprezentante sarani sira husi muníspiu 13, no entidade Governu sira, selebrasaun ne’e priense ho atividade lubuk ida hanesan prosesaun, novena, asaun karidade no animasaun konsertu iha Bekora.
Jornalista : Alexandra da Costa
Editora : Julia Chatarina
