Taur husu veteranu-kombatente Kovalima hamutuk solusiona problema iha lista editál 2009
KOVALIMA, 22 Marsu 2025 (TATOLI) – Eis Prezidente Repúblika (PR), Taur Matan Ruak, husu ho intensaun ba veteranu no kombatente atu buka solusaun kona-ba problema lista editál 2009 iha munisípiu Kovalima.
Molok atu hala’o atividade sosializasaun lia-nain husi Aldeia Sukabilar, suku Suai Loro, Postu Administrativu Suai simu eis PR ho lia dadolin tuir tradisaun kultura suku Suai loro, munisípiu Kovalima.
Notisia relevante:Taur: Problema veteranu kontinua mosu tanba dadus dezorganizadu
“ Ha’u hato’o agradese ba konsellu Kombatente Libertasaun Nasionál tanba sira unidu loos organiza malu hodi hasoru ha’u hodi sensibiliza ba veteranu sira kona-ba problema veteranu nian.Tanba problema veteranu ohin loron ema hotu preokupa .presiza sensibiliza sira kona-ba problema veteranu hanesan problema nasionál”, Taur Matan Ruak hateten ba Jornalista sira, iha otél vida Nova ohin
Ho problema ne’ebé akontese hanesan, eis Xefe Estadu ne’e mós iha responsabilidade hodi sensibiliza problema , nia kauza konsekuénsia , solusaun no pasu sa ida mak atu foti.
Mosu proteste hirak ne’e, Eis Prezidente Republika identifika problema rua mak hanesan hamosu diskriminasaun razaun osan la to’o ba sira ne’ebé 4 a 7, simu pensaun dala ida, 8 a 14 ,15 a 19 no 19 a 24 hodi hamosu deskontentamentu no laiha sustentabilidade hodi ko’alia kona-ba pensaun ba veteranu sira.
“Ita halo esforsu bo’ot governu ida ba governu ida tenta atu rezolve maibé to’o kotinua no aumenta tan. Signifika solusaun ne’ebé ita fó la’os solusaun di’ak nune’e ita tenta buka dalan oinsa atu hetan nia solusaun ne’ebé di’ak”, nia fó hanoin.
Iha fatin hanesan, Prezidente Munisipál Konsellu Kombatente Libertasaun Nasionál Kovalima, Osorio Soares “Mausoko” hato’o agradese ba eis PR tanba realiza atividade sensibilizasaun informasaun liuhusi dialógu ho veteranu sira iha munisípiu Kovalima.
“ Ha’u hato’o agradese tanba eis Xefe Estadu hala’o diálogu ho veteranu iha Kovalima hodi haree kona-ba asuntu veteranu ni’an ho nune’e asuntu kona-ba veteranu imi mak hatene detallu bainhira duvida bele hato’o ”, nia afirma.
Notisia relevante:MAKLN simu ona reklamasaun lista editál husi munisípiu-11
Jornalista: Celestina Teles
Editór: Florencio Miranda Ximenes
