BOBONARU, 01 Abríl 2025 (TATOLI)—Diresaun Nasionál Transporte Terrestre (DNTT) delegasaun terrritoriál Munisípiu Bobonaru, iha trismestre dahuluk (Janeiru-Marsu) tinan 2025 ne’e, DNTT Bobonaru konsege rekolla reseita $46,101.50 hodi kontribui ba kofre Estadu.
Diretór DNTT delegasaun territoriál munisípiu Bobonaru, Tomás Maia, konfirma reseita hirak ne’e halibur husi kontribuiente hamutuk na’in-2000 resin liuhusi atividade inespesaun veikulu ho totál osan $21,615, rejistu veikulu $7,436, lisensa trajetu $2,390 no atividade trata no renova karta kondusaun hamutuk $14,660.
Notisia Relevante: DNTT arrekada reseita millaun $5,7 iha 2024
“Husi totál ítem sira-ne’e, ninia invoice mak 2,905 ho ninia reseita hamutuk $46, 101.10 ne’e ba trimestre dahuluk tinan ne’e,” nia informa ba Agência Tatoli, iha kna’ar fatin, tersa ne’e.
Tuir observasaun Ajensía Tatoli dadaun ne’e DNTT Munisípiu Bobonaru kontinua halo atendimentu ba komunidade maske sei enfrenta problema kona-ba laiha transporte karreta operasionál, mobiliariu no seluk tan.
Enkuantu, tuir dadus ne’ebé Agência Tatoli asesu iha trimestre dahuluk tinan kotuk, DNTT Bobonaro halibur reseita $45-resin.
Notísia Relevante : DNTT Bobonaro rekoilla reseita rihun $45-resin
Jornalista : Sergio da Cruz
Editór : Cancio Ximenes
