KOVALIMA, 22 Abríl 2025 ( TATOLI) – Prezidente Autoridade munisípiu Kovalima Miguel Armada Cardoso, simu ona orientasaun husi Ministériu Administrasaun Estatál (MAE), atu hasa’e bandeira ho ‘meia-haste’ hodi hatudu lutu nasionál relasiona Sua santidade Papa Francisco hakotu nia jornada moris.
“Ita hanesan sarani, Papa Francisco hanesan liurai mundu durante ne’e vizita mós Timor-Leste nune’e hanesan Autoridade Kovalima hato’o sentidu kondolénsia”, Autoridade Kovalima ne’e informa ba TATOLIA, iha resintu AMC, ohin.
Notísia relevante:PN hasa’e bandeira meia-haste fó omenajen ba falesimentu Papa Francisco
PAM ezekuta orientasaun husi MAE hod dada bandeira RDTL ho meia aste durante semana ida hanesan lutu nasionál kona-ba falesimentu Sua santidade nian.
“Ha’u partilla ona informasaun ba dirijente munisipál, dirijente delegasaun territoriál ba postu no suku sira atu dada bandeira RDTL ho a meia aste”, nia informa.
Fo hanoin fali katak Papa Francisco hakotu nia jornada moris, iha segunda-feira, loron 21 Abríl 2025.
Notísia relevante: Vatikanu fó sai kauza Papa Francisco hakotu iis
Jornalista:Celestina Teles
Editór: Rafael Ximenes de A. Belo
