OEKUSI, 27 Maiu 2025 (TATOLI) – Hahú husi fulan-Janeiru to’o Abríl 2025, Departementu Rejionál Transporte Terrestre (DRTT), Rejiaun Administrativa Espesiál Oekusi Ambeno (RAEOA) rekolla reseita ba kofre Estadu hamutuk rihun $46,027.50.
Xefe Departementu DRTT Oekusi, Domingos de Almeida, informa konsege arrekada reseita $46,027.50 ne’e mai husi, Janeiru hamutuk $14,689.00, Fevereiru mak $10,904.50, Marsu mak $9,517.50 no Abríl mak $11,150.50.
Notísia relevante:2024, Diresaun Transporte Terrestre RAEOA arrekada reseita rihun $276 ba kofre Estadu
“Reseita ne’e ita rekolla husi item lima, hanesan rejistu ba transporte sira-ne’ebé seidauk iha dokumentu, inspesaun, karta kondusaun, lisensa trajetu no DSPL,” Almeida ba jornalista sira iha Oekusi, ohin.
Durante fulan ne’e, resivu ne’e tama iha rejistu nian konsege hetan 337, ba inspesaun 1.269, resivu ba karta kondusaun hamutuk 454, lisensa trajetu 281 no ba DSPL hamutuk 319.
“Reseita ne’e la inklui husi parte polísia tranzitu nian, maibe ne’e taxa husi DRTT, PNTL sira nian ketak,” nia dehan.
Notísia relevante:MTK sei integra DRTT Oé-Cusse ba sistema nasionál atu asesu dokumentu orijinál
Jornalista: Abílio Elo Nini
Editór: Florencio Miranda Ximenes
