VIKEKE, 03 Juñu 2025 (TATOLI)—Diretór Programa Nasionál Dezenvolvimentu Suku (PNDS) munisípiu Vikeke, Francisco S. Varela, informa iha tinan ne’e PNDS munisípiu Vikeke sei implementa projetu hamutuk 40 iha suku 36.
Notísia Relevante: Implementasaun projetu PNDS 43 iha Vikeke atinje ona 83.56%
“Bazeia planu asaun anuál (PAA) 2025 ita la’o ho prosesu orsamentu normál maibé sistema tranzisaun servisu entaun orsamentu ba 2025 tun. Nune’e ba obra projetu PNDS ba tinan 2025, orariu implementasaun Prezidente Autoridade Munisípiu aprova ona, ne’ebé ami foin enkontru ho fornesedór sira husi nivel postu sira hodi implementa obra PNDS ba suku 36, iha tempu badak nian laran,” Francisco S. Varela hateten ba Agência Tatoli, iha nia kna’ar fatin, ohin.
Nia hatutan, iha tinan 2025 ne’e projetu hamutuk 40 ho totál orsamentu hamutuk $1,491,92,57 ne’ebé daudaun ne’e iha faze preparasaun implementasaun.
Implementasaun projetu ne’ebé iha kada suku mak hanesan iha postu Ossú ho totál suku hamutuk 10, mak suku Builale reabilita bee-moos sistema gravitasaun ne’ebé gasta orsamentu $28,746.03, suku Builo halo konstrusaun estrada rurál (beton) ne’e gasta 23,291.13, Liaruka reabilita bee-moos sistema gravitasaun me’ebé gasta orsamentu $25,945.13, Loihunu halo konstrusaun bee-moos sistema gravitasaun hodi gasta orsamentu $23,439.07, Nahareka halo reabilitasaun estrada ne’e gastu $25,945,13, Ossorua reabilitasaun eskola Ensinu Báziku Filiál (EBF) Muaemi sala rua (2) hodi gasta $23,092.65.
Suku Ossú de Cima ne’e halo reabilitasaun ba EBF Legogari ne’ebé gasta $26, 092.65, Uabubu halo reabilitasaun ba eskola Helelulik hodi gasta $26, 092.65, Uagia halo reabilitasaun ESG paralelu sala rua (2) ne’ebé gasta $25,945.13, Uaibobo halo konstrusaun morru haleu EBF Osolari ho naruk metru 100 no luan metru 60 ne’ebé gasta orsamentu $23,291.65.
Ba postu administrativu Lakluta, iha suku Ahik ne’e halo reabilitasaun ba estrada (estrada sirtu) ne’ebé gasta $25,945.13, Dilor halo reabilitasaun estrada (estrada sirtu) no gasta $28,746.03, Line halo konstrusaun ba bee-moos sistema gravitasaun hodi gasta $25,945.13, Uma Tolu reabilita sistema bee bomba ne’ebé gasta $23,291.65.
Iha postu Uatukarbau ne’e iha suku neen (6) ne’ebé kompostu husi suku Afaloikai ne’ebé halo konstrusaun morru haleu eskola EBC 28 Novembru, gastu $31,399.51, Bahatata halo konstrusaun moru satan rai ho osan $ 28,598,61, Irabain de Baixo halo konstrusaun baleta ne’ebé gasta $31,399.51, Irabin de Cima halo estrada lokál ne’ebé gasta $28,598.61, Loi-Ulu halo konstrusaun Pré-Eskolár ho orsamentu $28,598.61, Uani Uma halo reabilitasaun estrada lokál ho orsamentu $28,598.61.
Postu Vikeke Vila suku 10 ne’ebé kompostu husi suku Bahalara Uain halo projetu reabilitasaun postu saúde ne’ebé gasta orsamentu $26,092.55, Bibileo halo reabilitasaun estrada lokál hodi gasta $26,092.55, Karaubalu halo konstrusaun estrada lokál ne’ebé gasta $29,040.86, Fatudere halo konstrusaun ba morru protesaun postu saúde hodi gasta $23,291.65/
Iha suku Luka halo konstrusaun morru postu saúde ne’ebé gasta orsamentu $26,092.55, Maluru halo konstrusaun ba morru pré-eskola ne’ebé gasta $23,291.65, Uaimoru halo reabilitasaun estrada lokál ho osan $20,638.17, Uma Ki’ik halo konstrusaun ba morru postu saúde hodi gastu $23,439.07, Uma Uain Kraik halo konstrusun morru ba postu saúde ne’ebé gasta $26,092.55, suku Uma Uain Leten halo estensaun EBF Luga Asa ne’ebé gasta orsamentu $25,945.13.
Iha postu Uatulari ne’e kompostu husi suku neen (6) mak hanesan suku Afaloikai halo reabilitasaun uma maternidade ne’ebé gasta 28,746.03, Babulu halo konstrusaun ba estrada rural hodi gasta $28,746.03, Makadike halo estrada rurál ho orsamentu $31,546.92, Matahoi halo reabilitasaun ba Estrada rural ne’ebé gasta $31,546.92, Uaitame halo obra rua mak ida implementa ponte ki’ik iha aldeia Sana no Foho Manu dada bee-moos sistema gravitasaun ho totál gastu hamutuk $25,945.13 no suku Vessoru halo konstrusaun estrada lokál ne’ebé gasta $25,945.13.
Notísia Relevante: PNDS Vikeke sei implementa programa perioridade 56 iha tinan oin
Jornalista: Vitorino Lopes da Costa
Editór : Cancio Ximenes
