KOVALIMA, 26 Juñu 2025 (TATOLI) – Autoridade másima munisípiu Kovalima aprezenta pontu ‘esensiál’ rua ba Ministériu Petróleo no Rekursu Minerál (MPRM), iha vizita MPRM nian ba munisípiu ne’e.
“Hakarak fó hanoin hela de’it katak ami-nia munisípiu Kovalima espasu salaun AMC ladun sufisiente bainhira iha biban bele haree no mós reabitalisaun ba auto-estrada”, Prezidente Autoridade Munisípiu (PAM), Miguel Armada Cardoso, aprezenta iha salaun AMC bainhira partisipa iha atividade reuniaun regulár ho inspetór no auditór sira husi entidade setór públiku administrativu ba trimestre daruak, ohin.
Atividade referida realiza ho tema “Reforsa koñesementu no abilidade kontribui ba garante kualidade no jestaun di’ak ba funsionamentu instituisaun públika”.
Iha parte seluk, tuir PAM Kovalima katak prosesu tomak la’o hela – hala’o ona diseminasaun informasaun: prosesu auto-estrada atu kontinua hala’o.
Governu disemina ona maibé hanesan autoridade fó hanoin nafatin kona-ba prosedimentu atu halo manutensaun ba auto-estrada uluk la’o ona maibé ohin loron orienta administradór postu sira atu halo limpeza presiza atu haree.
Atu hala’o dezenvolvimentu bainhira komunidade la fó-liman, autoridade Kovalima hamutuk ho konsellu veteranu prontu atu rezolve atu aselera.
Hatan ba kestaun ne’e, Ministru Francisco da Costa Monteiro esplika katak, nia parte labele atende direta nota husi PAM maibé ne’e PAM nia kna’ar atu hato’o.
Governante ne’e rekoñese espasu salaun AMC ne’e katak “ Fatin ne’e ki’ik duni maibé autoridade Kovalima fó hela de’it ba ami. Ita iha planu Kovalima hanesan munisípiu ne’ebé polu dezenvolvimentu iha Kosta sul”, nia garante.
Ho nune’e iha tinan hirak mai Governu iha planu lubuk ida, tuir autoridade ne’e, tanba Kovalima sai baze apoiu setór petróleo ni’an nune’e dezenvolvimentu barak mak sei hala’o.
“Prosesu maske neneik maibé ita hahú uitoan ona maske hetan krítika balun iha validade tanba nia objetivu prinsipal atu apoiu indústria setór petróleo, natureza seluk, bainhira kompara ho munisípiu Dili”, nia klarifika
Auto-estrada dadaun iha hela prosesu konkursu públiku ba Suai supplay base (baze fornesimentu Suai) maske neneik maibé sei halo mudansa.
Notísia relevante:MPRM lori inspetór no auditór sira observa dezenvolvimentu iha Kovalima
Jornalista:Celestina Teles
Editór: Rafael Ximenes de A. Belo
