DILI, 29 Juñu 2025 (TATOLI) – Operadór telekomunikasaun Telemor, bainhira ramata akizisaun 40 MHz adisionál ba faze ho kapasidade 2600 MHz iha sidade kapitál Dili, aumenta ona nia faze kapasidade ne’ebé aas ba 100 MHz nune’e operadór ne’e lansa servisu komersiál 5G.
“Lansamentu 5G la’ós de’it hanesan marka teknolójiku maibé mós hanesan testemuña ida-ne’ebé forte ba kompromisu Telemor nian ba ninia misaun ne’ebé atu kria Sosiedade dijitál durante faze foun ida-ne’e”, Diretor-jerál Telemor Vu Duc Nguyen, hateten, iha ámbitu lansamentu ne’e, tuir komunikadu ba TATOLI.
Notísia relevante:Operadór Telekomunikasaun Telemor monta ona torre unidade 14
Aleinde fornese velosidade rede exesionál, Telemor haree 5G nu’udar forsa transformativu ida iha forma moris dijitál nian iha Timor-Leste. Teknolojia ne’e, tuir operadora ne’e nia esperansa katak sei lori progresu iha broadband movel (FWA), governu eletróniku, telemedikamentu, edukasaun dijitál, seguransa no supervizaun urbanu, agrikultura no indústria ne’ebé matenek, no seluktan.
“Infrastrutura 5G mak dalan dijitál – komponente importante ida iha viajen transformasaun dijitál nasionál nian. Ho ita-nia kapasidade atuál sira, Telemor sei kontinua lidera dalan ida-ne’e, hodi sai hanesan baze teknolojia ida-ne’ebé metin, ne’ebé fó kbiit no inspirasaun ba povu Timor-Leste atu hetan integrasaun globál – asegura katak la iha ema ida mak iha kotuk ka atrasadu,” ezekutivu ne’e reiteira.
Notísia relevante:Telemor hakarak Timor-Leste sai ponte ba divizaun dijitál
TATOLI
