BOBONARU, 30 Juñu 2025 (TATOLI)—Hahú husi tinan 2000 to’o fulan-Marsu 2025 ne’e, Sekretáriu Estádu Terra Propriedade (SETP) kontribui reseita millaun $70-resin ba kofre Estadu, husi fonte arrendatáriu lokál no estranjeiru sira-ne’ebé durante ne’e okupa uma no rai Estadu ba halo atividade negósíu no seluk tan.
Notisia Relevante: Janeiru-maiu, SETP rekolla millaun $1-resin
“Totál Orsamentu ne’ebé mak hatama ba kofre Estadu to’o agora $70-resin Komesa iha 2000 mai to’o 2025 ne’e foin lalais 2025 iha fulan-Marsu ne’e, ita hatama miklaun $1,300. Maibé ha’u seidauk konta to’o fulan-Juñu ne’e lahatene parese sa’e ona,” Dadus ne’e relata husi Sekretáriu Estádu Terra no Propriedade, Jaime Xavier Lopes, durante halo enkontru komunitáriu kona-ba levantamentu kadestrál ba atribuisaun direitu Propriedade iha suku Ritabou, postu administrativu Maliana, munisipiu Bobonaru, segunda ne’e.
Governante ne’e haklaken, SETP nia mehi no buka meiu oinsá halo jestaun di’ak atu hatama reseita barak liután ba kofre Estadu.
“Ita atu antesipa hela, karik loron ida mina ne’e maran, ita hetan difikuldade ruma husi terra no propriedade ne’e bele fó netik benifísiu ruma ba ita. Agora, lei Pajak Bumi dan Bangunan ne’e seidauk iha. Se lei ne’e iha ona ita sei hatama reseita barak liután, ita hotu fera ulun oinsá atu dezenvolve, nasaun ne’e sei ita la hahú agora bainhira tan mak ita hahú,” nia hateten.
Daudaun ne’e Governu halo hela levantamentu dadus ba proprietáriu Estadu no privadu abandonadu husi sidadaun no Estadu Koloniál Portugés ho Invazaun Indonézoa, nune’e bele jere no administra hodi fó kontratu arrendamentu ba sidadaun timoro’an no estranjeiru ne’ebé hakarak okupa.
Notisia Relevante: Tempu badak, Ekipa SETP halo levantamentu ba rai Estadu
Jornalista : Sergio da Cruz
Editór : Cancio Ximenes
