EUA esforsu apoia TL nia adezaun ba ASEAN liuhusi seguransa marítima
DILI, 22 Agostu 2025 (TATOLI)—Enkaregadu Negósiu Estranjeiru Estadu Unidu Amérika (UEA) iha Timor-Leste, Bruce Begnell, hala’o enkontru kortézia ho Primeiru Ministru Kay Rala Xanana Gusmão kona-ba Timor-Lesta nia adezaun ba Organizasaun Nasaun Sudeste Áziatiku (ASEAN, sigla inglés), tanba ne’e EUA sei esforsu apoiu liuhusi kooperasaun seguransa marítima entre nasaun rua ne’e.
Notísia Relevante: MKAE hakarak orsamentu adisionál atu halo preparasaun pós-adezaun TL ba ASEAN
“Iha enkontru kotézia ne’e sira aborda kona-ba adezaun Timor-Leste nia ba membru plenu ASEAN iha fulan Outobru 2025, no mós kooperasaun seguransa marítima entre Estadu Unidu Amérika ho Timor-Leste,” Enkaregadu Negósiu Estranjeiru Estadu Unidu Amérika (UEA) iha Timor-Leste, Bruce Begnell, hateten ba jornalista sira iha Palásiu Governu, ohin.
Tanba ne’e, nia dehan, EUA apoiu liuhusi seguransa marítima nian, entaun EUA nia esforsu ne’e la’o daudaun hela.
Aleinde ne’em esforsu seluk ne’ebé iha hodi apoiu Timor-Leste nia adezaun ba ASEAN ida mak reabilitasaun ba Aeroportu iha Baukau, ne’e mós esforsu ida-ne’ebé hola parte husi área seguransa marítima nia.
Notísia Relevante: Ramos-Horta apresia Governu nia servisu ba preparativu adere ba ASEAN
Jornalista : Alexandra da Costa
Editór : Cancio Ximenes
