DILI, 26 Setembru 2025 (TATOLI) – Estanislau da Costa Sarmento, substitui deputadu António Verdial Ferreira husi bankada Partidu Kmanek Haburas Unidade Nasionál Timor Oan (KHUNTO) ne’ebé fila hikas ona ba Na’i Maromak nia kadunan santu.
Tuir karta pedidu bankada nian ba Prezidente Parlamentu Nasionál, hadi solisita katak, bazeia ba desizaun partidu KHUNTO, delibera deputadu Estanislau da Costa Sarmento ho lista kandidatura númeru sia tuir lista Tribunál Rekursu nian hodi subtitui deputadu António Verdial Ferreira iha lejislatura daneen.
“Ha’u konvida deputadu atu hola fatin”, Prezidente Parlamentu Nasionál, Maria Fernanda Lay, hato’o liuhusi reuniaun plenária estraordinária, ohin.
Relembra katak deputadu António Verdial Ferreira hakotu iis iha loron 20 Setembru 2025, iha Ospitál Nasionál Guido Valadares (HNGV, sigla portugés).
Notísia relevante: https://tatoli.tl/2025/09/22/pn-hatoo-votu-pezar-ba-falesimentu-deputadu-antonio-verdial-ferreira/
Jornalista: Nelson de Sousa
Editora: Maria Auxiliadora
