DILI, 02 Outobru 2025 (TATOLI)—Diretór Konstrusaun Nasionál Vias Rodoviarias, Milton Barreto, informa progresu atinjimentu reabilitasaun estrada husi Postu Administrativu Laga ba Postu Administrativu Baguia, Munisípiu Baukau ne’e, agora atinje ona 45%
Notísia Relevante: Konstrusaun estrada Laga-Baguia suspende provizoriamente
“Kona-ba reabilitasaun estrada iha Lautein ne’e foin mak hahu, maibé projetu reabilitasaun estrada iha Laga ba Baguia (Baukau) tama ona 45%,” Diretór ne’e relata ba Agência Tatoli iha Parlamentu Nasionál, ohin.
Nia hatutan, kuaze falta de’it nahe alkatraun ba estrada kilometru sia hanesan ne’e, tanba empreza Norinco International Corporation, Ltd, husi nasaun Xina nian ho montante $21,695,194.98.
Enkuantu, nia dehan, kona-ba prosesu reabilitasaun estrada iha Quelicai (Baukau) besik hotu ona no hein hadi’a tan buat balun tan hafoin projetu ne’e ramata ona.
“Projetu ne’e kaer husi kompañia Chico Ltd no iha Lautein nian ne’e sei hein hela tanba prosesu seidauk asina kontratu,” nia dehan.
Notísia Relevante: BNCTL hahú pagamentu ba komunidade afetadu konstrusaun estrada Laga-Baguia
Jornalista : Alexandra da Costa
Editór : Cancio Ximenes
