DILI, 20 Outubru 2025 (TATOLI)–Ekipa Buibere Football Club (FC), Segunda ne’e, iha Estádiu Munisipál Dili, dere Maranatha FC 6-0 iha jogu primeira divizaun Liga Futeból Femininu Timor-Leste (LFFTL).
Ekipa Buibere FC lidera 2-0 iha primeira parte iha minutu estra 45+1 liuhosi jogadór Merícia Barbosa no Deonísia Guimarães iha minutu 45+2.
Iha segundu parte, Maranatha lakon liután esperansa bainhira jogadór Buibere FC aumenta ritmu jogu hodi prodús tan golu haat (4), ne’ebé enxe husi jogadór Isabelita da Silva (13) iha minutu 48, enkuantu Deonísia Guimarães prodús aumenta golu tolu iha minutu 61, 62 no 68.
Entretantu, provizoriamente tabela klasifikasaun LFFTL lidera husi AD SLB ho pontu tolu (3) no produtividade golu sia (9), S’amuser pontu tolu (3) ho produtividade golu neen (6), pozisaun datoluk okupa husi Buibere FC.
Jornalista: Natalino Belo
Editór: Xisto Freitas da Piedade
