DILI, 27 Novembru 2025 (TATOLI)–Jogu jornada daneen primeira divizaun Liga Futeból Femininu Timor-Leste (LFFTL) entre ekipa Na’in-Feto Football Club ho Vale de Lahane (VDL), ramata ho impata 1-1.
Ekipa rua ne’ebé promovidu husi segunda divizaun ba primeira divizaun iha epoka 2025-2026 ne’e obrigadu fahe pontu hanesan ba malu iha Estádiu Munisipál Dili, Kinta ne’e.
Notísia relevante: VDL FC sei prepara másima antes hahú kompetisaun primeira divizaun LFFTL
VDL FC ne’ebé to’o jornada dalimak okupa iha pozisaun daualu lidera uluk golu 0-1 iha minutu hitu (7) ne’ebé enxe husi jogadora Lúcia Ximenes to’o jogu parte dahuluk ramata.
Mezmu nune’e, Na’in-Feto FC ne’ebé derrota ona ba jogu lima halo mudansa estratéjia no rezulta tabela skor impata 1-1 ne’ebé prodús husi jogadora Nívia Saldanha iha inísiu jogu parte daruak minutu 46.
Ho rezultadu jogu entre ekipa rua, VDL FC konsege hakat bá pozisaun dahitu hodi dudu sees Akadémika FC ho pontu haat (4), rezultadu manán ida (1), derrota haat (4) no impata ida (1). Enkuantu, Na’in-Feto FC foin rekolla pontu ida (1) no kontinua mantein iha pozisaun dasiak hafoin derrota jogu lima (5) no impata ida (1).
Jornalista: Natalino Belo
Editór: Xisto Freitas da Piedade
