DILI, 18 Dezembru 2025 (TATOLI)–Prezidente Tribunál Rekursu, Afonso Carmona, hateten, nia parte autoriza ona edifisiu tuan Tribunál Dili instala ba Sekretaria Komisaun Rekrutamentu Juíz.
Tuir Lei Organizasaun Judisiáriu artigu 83, Komisaun Rekrutamentu ba Juíz sira ne’ebé tuur iha Tribunál Justisa, tanba Parlamentu foin daudaun hili ona reprezentante na’in-rua ba Komisaun Rekrutamentu nia hela Prezidente reprezentante de’it.
“Ita prepara tiha Tribunál tuan ne’e. Agora ha’u prepara hela para Dezembru ne’e buat hothotu la’o ona. Tanba Prezidente husu ita 19 Maiu instalasaun Supremu Tribunál iha ona,” Carmona hato’o ba Jornalista sira hafoin abertura jogu futsál iha salaun edifísiu Batalaun Orden Públiku, Kaikoli, Kinta ne’e.
Notísia relevante : PTR deside edifísiu Tribunál Distritál Dili tuan instala provizóriu ba Supremu Tribunál Justisa
Prezidente mak halo nomeasaun liuhusi Dekretu Prezidensiál hodi nomea Prezidente no Vise-Prezidente ba rekrutamentu.
Edifisiu tuan Tribunál Dili sei utiliza provizóriamente ba instalasaun Supremu Tribunál Justista hodi hein obra instalasaun edifísiu Supremu Tribunál Justisa ne’ebé sei halo besik Tribunál Rekursu.
Jornalista : Natalino Costa
Editora : Julia Chatarina
